29 şıldeden bastap Almatyda "Almaty jastary" ipotekalyq baǧdarlamasyna ötınım qabyldau bastalady. Baǧdarlama aiasynda 1200 jas otbasyna jeke tūrǧyn üi satyp alu mümkındıgı berıledı, dep habarlaidy “Adyrna” ūlttyq portaly.
Kommunaldyq infraqūrylymdy damytu basqarmasynyŋ mälımetınşe, ötınış qabyldau 29 şılde men 7 tamyz aralyǧynda ötedı.
Būl üşın elektrondy sifrlyq qoltaŋba (ESQ) qajet.
Baǧdarlama aiasynda nesie beru şarttary:
- Qaryzdyŋ eŋ joǧary somasy – 18 mln teŋgege deiın;
- Paiyzdyq mölşerleme – 5%;
- Bastapqy jarna – 10%;
- Bastapqy jäne qaitalama tūrǧyn üi alu mümkındıgı;
- Qamtu – eŋ kemı 1200 adam.
Būl joly baǧdarlamaǧa qatysuşylardyŋ Almaty qalasynda tūraqty tırkeuı mındetteldı.
Baǧdarlmaǧa qatysu talaptary mynadai:
- Qazaqstan Respublikasynyŋ azamaty boluy;
- Ötınım beru kezınde ötınış beruşınıŋ jäne jūbaiynyŋ (bar bolsa) Almaty qalasynda tūraqty tırkeuı;
- Ötınım beru kezınde qatysuşy 35 jasqa tolmauy kerek, al jūbaiynyŋ (bar bolsa) jasy esepke alynbaidy. Baǧdarlamaǧa negızgı qatysuşy retınde erlı-zaiyptynyŋ bıreuı ǧana qatysa alady;
- Qatysuşynyŋ jäne onyŋ otbasy müşesınde menşık qūqyǧynda tūrǧyn üidıŋ, sondai-aq Qazaqstan Respublikasynyŋ aumaǧynda keiıngı 5 jylda tūrǧyn üi jaǧdaiynyŋ ädeiı naşarlauy faktısınıŋ bolmauy;
- Qatysuşynyŋ Almaty qalasynda eŋ kemı soŋǧy 6 ai boiy mındettı zeinetaqy audarymy bar jūmys ötılı boluy qajet. Atap aitqanda, densaulyq saqtau, bılım beru, mädeniet, sport, JOO-lar jäne ǦZİ, jurnalister, äleumettık sala, qūqyq qorǧau organdary, qalalyq kommunaldyq qyzmetter jäne "Jūmys ısteitın jastar" baǧdarlamasy boiynşa jaldauşylary (2019 jyly jeltoqsan).
Ūqsas jaŋalyqtar
