29 shildeden bastap Almatyda "Almaty jastary" ıpotekalyq baǵdarlamasyna ótinim qabyldaý bastalady. Baǵdarlama aıasynda 1200 jas otbasyna jeke turǵyn úı satyp alý múmkindigi beriledi, dep habarlaıdy “Adyrna” ulttyq portaly.
Kommýnaldyq ınfraqurylymdy damytý basqarmasynyń málimetinshe, ótinish qabyldaý 29 shilde men 7 tamyz aralyǵynda ótedi.
Bul úshin elektrondy ıfrlyq qoltańba (EQ) qajet.
Baǵdarlama aıasynda nesıe berý sharttary:
- Qaryzdyń eń joǵary somasy – 18 mln teńgege deıin;
- Paıyzdyq mólsherleme – 5%;
- Bastapqy jarna – 10%;
- Bastapqy jáne qaıtalama turǵyn úı alý múmkindigi;
- Qamtý – eń kemi 1200 adam.
Bul joly baǵdarlamaǵa qatysýshylardyń Almaty qalasynda turaqty tirkeýi mindetteldi.
Baǵdarlmaǵa qatysý talaptary mynadaı:
- Qazaqstan Respýblıkasynyń azamaty bolýy;
- Ótinim berý kezinde ótinish berýshiniń jáne jubaıynyń (bar bolsa) Almaty qalasynda turaqty tirkeýi;
- Ótinim berý kezinde qatysýshy 35 jasqa tolmaýy kerek, al jubaıynyń (bar bolsa) jasy esepke alynbaıdy. Baǵdarlamaǵa negizgi qatysýshy retinde erli-zaıyptynyń bireýi ǵana qatysa alady;
- Qatysýshynyń jáne onyń otbasy múshesinde menshik quqyǵynda turǵyn úıdiń, sondaı-aq Qazaqstan Respýblıkasynyń aýmaǵynda keıingi 5 jylda turǵyn úı jaǵdaıynyń ádeıi nasharlaýy faktisiniń bolmaýy;
- Qatysýshynyń Almaty qalasynda eń kemi sońǵy 6 aı boıy mindetti zeınetaqy aýdarymy bar jumys ótili bolýy qajet. Atap aıtqanda, densaýlyq saqtaý, bilim berý, mádenıet, sport, JOO-lar jáne ǴZI, jýrnalıster, áleýmettik sala, quqyq qorǵaý organdary, qalalyq kommýnaldyq qyzmetter jáne "Jumys isteıtin jastar" baǵdarlamasy boıynsha jaldaýshylary (2019 jyly jeltoqsan).
