Jezqazǧanda jalpyqalalyq senbılık öttı

«Taza Qazaqstan» respublikalyq ekologiialyq aksiiasy aiasynda Jezqazǧan qalasynda jalpyqalalyq senbılık öttı, dep habarlaidy ”Adyrna” portaly. Tazalyq şarasyna qalanyŋ barlyq mekemelerı qatysty. Jalpy, 180 ūjymnan 9 myŋnan astam adam, 130 arnaiy tehnika jūmyldyryldy. Qala boiynşa 500 ga astam jer tazartylyp, 18844 tekşe metr qoqys şyǧaryldy. Sondai-aq köpqabatty üilerdıŋ tūrǧyndary da bügıngı senbılıkte  aulalaryn jinap, retke  keltırdı. PİK-terdıŋ ūiymdastyruymen tūrǧyndar tazalyq jürgızdı. Senbılık aiasynda Jezqazǧan qalasynyŋ äkımı Qairat Şaijanov jauapty mamandarmen bırge qala köşelerın aralap, qalanyŋ sanitarlyq tazalyǧyn tekserdı. Sanitarlyq tazalyqty saqtamaǧan, abattandyru erejesıne säikes kelmeitın nysandardyŋ ielerımen tıldesıp, kemşılıkterdı qysqa merzımde tüzeu qajettıgın aityp, eskertu jasady. Ǧimarattar aldyn tazalau, aumaqty abattandyru siiaqty jūmystar jürgızudı tapsyrdy. Sonymen qatar, kommunaldyq mekemeler basşylaryna qala köşelerın, jaiau jürgınşı joldary men aialdama aumaqtaryn tazartu jäne qoqystan aryltu jönınde naqty tapsyrmalar jüktedı.