AQŞ delegasiiasyn bastap kelgen Djeison Smit Astanaǧa sapary barysynda Qazaqstan Prezidentı Qasym-Jomart Toqaevqa qabyldaǧany üşın alǧys aitty, dep habarlaidy “Adyrna”.
Ol AQŞ prezidentı Donald Tramptyŋ jyly lebızın jetkızdı.
Djeison Smittıŋ aituynşa, Donald Tramp oǧan kezdesuge bırneşe saǧat qalǧanda telefon şalyp, Qazaqstan Prezidentıne öz sälemın joldaudy tapsyrǧan.
«Prezident sızge eŋ jyly tılegın jetkızudı sūrady. Ol sızderdıŋ aralaryŋyzda qalyptasqan senımdı ärı syndarly qarym-qatynasty joǧary baǧalaitynyn aitty», – dedı kongressmen.
Sondai-aq Donald Tramp Qasym-Jomart Toqaevty Maiamide ötetın G20 sammitıne qatysu üşın kütetının jetkızgen.
Djeison Smit AQŞ delegasiiasynyŋ Qazaqstanǧa saparynyŋ negızgı maqsattarynyŋ bırı ekı el arasyndaǧy ekonomikalyq bailanystardy odan ärı keŋeitu mümkındıkterın zerdeleu ekenın atap öttı.
«Bız ekıjaqty yntymaqtastyqty nyǧaituǧa baǧyttalǧan mazmūndy dialog ornatuǧa berık niettımız. Prezidentımız mūny asa maŋyzdy dep sanaidy», – dedı ol.
Kezdesu soŋynda Qasym-Jomart Toqaev özınıŋ Maiamige aldaǧy sapary Qazaqstan men AQŞ arasyndaǧy keŋeitılgen strategiialyq serıktestıktıŋ damuyna jaŋa serpın beretınıne senım bıldırdı.
