Prezıdent Qasym-Jomart Toqaevqa "Spýtnık V" koronavırýs vakınasy salyndy. Bul týraly Memleket basshysynyń baspasóz hatshysy Berik Ýálı málimdedi, dep habarlaıdy "Adyrna" ulttyq portaly.
«Búgin Memleket basshysy Qaraǵandy farmaevtıkalyq zaýyty shyǵarǵan "Spýtnık V" vakınasyn qabyldady. Prezıdenttiń vakına saldyrǵannan keıingi hal-jaǵdaıy jaqsy. Eshqandaı janama áserler joq. Memleket basshysy vakına saldyryp, ujymdyq ımmýnıtet qalyptastyrý arqyly ǵana Qazaqstan azamattary koronavırýsty jeńe alatynyna, barlyq shekteýlerdiń alynatynyna, halyqtyń qalypty turmys-tirshiligine qaıta oralatynyna senimdi. Qasym-Jomart Toqaev barsha halyqty meılinshe tezirek vakına saldyrýǵa shaqyrdy. Bul – ózińdi jáne jaqynyńdy qorǵaýdyń jalǵyz joly.
Buǵan deıin Prezıdent Úkimetke jáne jergilikti atqarýshy organdarǵa shetelden vakına jetkizýdi qamtamasyz etýdi jáne otandyq vakına óndirýdi jolǵa qoıýdy, sondaı-aq, ekpe salý úderisin uıymdastyrýdy tapsyrǵan bolatyn" dep jazdy Memleket basshysynyń baspasóz hatshysy.
2021 jyly qańtarda Prezıdent qazaqstandyq koronavırýs vakınasy sátti synalǵan jaǵdaıda oǵan vakına egiletinin aıtqan edi.
«Biz otandyq vakınany synaýdyń oń nátıjesi bolady dep úmittenemiz. Bul jaǵdaıda men qazaqstandyq vakınamen vakınaııalanamyn, eger ol árıne jaqsy nátıje kórsetse. Men bul jaǵdaı jaqsy nátıje kórsetedi dep úmittenemin», - dedi Toqaev keńeıtilgen úkimettiń 26 qańtardaǵy kezdesýinde.
"Adyrna" ulttyq portaly
