Ūlytau oblysynda bügın «Taza Qazaqstan» ekologiialyq aksiiasy aiasynda «Möldır būlaq» jalpyoblystyq senbılıgı ūiymdastyryldy.
Tabiǧatty qorǧau men qorşaǧan ortanyŋ tazalyǧyn saqtau maqsatyndaǧy şara barysynda özen-kölder men su aidyndarynyŋ jaǧalaulary qoqystan tazartylyp, abattandyru jūmystary jürgızıldı.
Auqymdy ekologiialyq aksiiaǧa öŋır boiynşa 360 ūjymnan 4500-ge juyq adam qatysyp, 74 arnaiy tehnika jūmyldyryldy. Nätijesınde 520 tonna qoqys şyǧarylyp, 131 gektar aumaq tazartyldy.
«Taza Qazaqstan» bastamasy aiasyndaǧy mūndai igı şaralar tabiǧatty aialau mädenietın qalyptastyryp, öŋırdıŋ ekologiialyq jaǧdaiyn jaqsartuǧa baǧyttalǧan.
Ūqsas jaŋalyqtar
