Makinsk qalasyndaǧy №1 mektepte kürdelı jöndeu jūmystary aiaqtalyp, bılım ordasy jaŋa oqu jylyn jaŋarǧan ǧimaratta qarsy aluǧa daiyn. Jarty ǧasyrdan astam uaqyt būryn salynǧan mektep ǧimaraty alǧaş ret auqymdy türde jaŋǧyrtylyp, mūnda oquşylar men pedagogter üşın qauıpsız ärı qolaily jaǧdai jasaldy.
Kürdelı jöndeu jūmystary 2025–2026 jyldarǧa josparlanǧan ekı jyldyq joba aiasynda jürgızıldı. Jobanyŋ negızgı kezeŋı biyl mausym aiynda bastalyp, jaŋa oqu jyly qarsaŋynda tolyq aiaqtaldy.
Jöndeu barysynda mekteptıŋ injenerlık infraqūrylymy jaŋartyldy. Atap aitqanda, elektrmen, sumen jäne jylumen jabdyqtau jüielerıne jöndeu jürgızılıp, kärız jüiesınıŋ jekelegen elementterı auystyryldy. Sanitarlyq toraptar da tolyq retke keltırıldı. Sonymen qatar ǧimaratqa avtomatty ört dabyly men beinebaqylau jüiesı ornatyldy.
Bılım oşaǧynyŋ ışkı bölmelerınde de bırqatar jūmystar atqaryldy. Esıkter men eden jabyndary auystyrylyp, edenge tegısteu jūmystary jürgızıldı. Bırınşı qabattaǧy qabyrǧalar syrlanyp, oqu kabinetterı men özge de bölmeler jaŋa oqu jylyna daiyndaldy. Jobada közdelgen barlyq jūmys tolyq kölemde oryndaldy.
Mektep direktory Aseniia Syngyrovnanyŋ aituynşa, būl bılım ordasynyŋ tarihyndaǧy maŋyzdy jaŋarulardyŋ bırı.
«Mektebımız üşın būl – aituly oqiǧa. Ǧimarat 1970 jyly salynǧan. Osy uaqytqa deiın mūnda mūndai auqymdy kürdelı jöndeu jürgızılmegen. Qazır injenerlık kommunikasiialar jaŋartylyp, barlyq bölme retke keltırıldı. Eŋ bastysy – balalar men pedagogter üşın oqu jäne eŋbek etuge qolaily jaǧdai jasaldy. Mektep jaŋa oqu jylyna tolyq daiyn», – dedı mektep direktory.
Qazırgı taŋda mektepte 680 oquşy bılım alady. Oqu prosesı inkliuzivtı bılım beru qaǧidattaryn eskere otyryp ūiymdastyrylǧan. Erekşe bılım beru qajettılıkterı bar balalardyŋ sapaly bılım aluyna jäne mektepte jaily ortada boluyna qajettı jaǧdai qarastyrylǧan.
Jalpy, biyl Būlandy audanynda bır mektepke kürdelı jöndeu jürgızıldı. Sonymen qatar ekı mektep pen bır balabaqşada aǧymdaǧy jöndeu jūmystary atqaryldy.
Jaŋarǧan mektep jaŋa oqu jylynda oquşylarǧa sapaly bılım aluǧa, al pedagogterge öz mındetterın qolaily jaǧdaida atqaruǧa mümkındık beredı.
