Jelide oqýshyny urǵan muǵalimniń vıdeosy taraǵan bolatyn. Sol áreketi úshin ol jumysynan shyǵaryldy, dep habarlaıdy «Adyrna» ulttyq portaly QazAqparat-qa silteme jasap.
Belgili bolǵandaı, elınograd aýdanynyń Jańaesil aýylynda jalpy bilim beretin mektep dırektorynyń tárbıe isi jónindegi orynbasary temeki shekken oqýshymen dórekki sóıleskeni úshin ony pedagogıkalyq ádep jónindegi keńes jumysynan shyǵarǵan.
Aqmola oblystyq bilim basqarmasy baspasóz qyzmetiniń málimetinshe, osy derek boıynsha qyzmettik tergeý júrgizilgen. Ekinshi sabaqtan keıingi úzilis kezinde 7,9,10 synyp oqýshylary sportzalǵa voleıbol oınaýǵa barǵan. Alaıda, dene shynyqtyrý pániniń muǵalimi A.Iýtına oqýshylardyń voleıbol oınaǵanyn emes, 7-synyp oqýshysy D.Kımniń temeki shegip turǵanyn kórgen. Osy kezde muǵalim birden mektep dırektorynyń tárbıe jónindegi orynbasary B.Mekebaıdy shaqyrǵan, ol oqýshymen áńgimelesken.
Áńgime barysynda oqýshy sportzalda temeki shegetinin moıyndaǵan. Oqýshynyń bul jaýaby mektep dırektory orynbasarynyń ashýyna tıip, ol emoııaǵa erik bergen.
«Bilim bóliminiń jumys toby Jańaesil aýylyndaǵy balalarmen, ata-analarmen jáne mekteptiń pedagogıkalyq ujymymen áńgimelesti. Osy derek boıynsha júrgizilgen talqylaýdan keıin kámeletke tolmaǵan balanyń zańdy ókili D.Kımnen pedagog B.Mekebaıǵa shaǵymdan bas tartý týraly ótinish kelip tústi. Degenmen, bul jaǵdaı Jańaesil aýyly mektebiniń pedagogıkalyq ádep jónindegi keńesiniń otyrysynda qaraldy, onda QR Eńbek kodeksiniń 52-babynyń 14-tarmaǵyna sáıkes B.Mekebaıdy jumystan shyǵarý týraly sheshim qabyldandy», - dedi vedomstvodan.
«Adyrna» ulttyq portaly
