Ūlytau oblysynyŋ äkımdıgı men «Qazaqmys» korporasiiasy öŋırdegı sport infraqūrylymyn damytuǧa baǧyttalǧan yntymaqtastyq turaly memorandumǧa qol qoidy.
Maŋyzdy kelısımge Ūlytau oblysynyŋ äkımı Eset Baiken men «Qazaqmys korporasiiasy» JŞS Basqarma töraǧasy Ruslan Öskenälı qol qoidy. Memorandum aiasynda Jezqazǧan qalasynda 6 myŋ körermenge arnalǧan jabyq futbol stadiony men zamanaui tennis ortalyǧyn salu josparlanuda.
Ūlytau oblysynyŋ äkımı Eset Baikennıŋ aituynşa, atalǧan jobalar qala tūrǧyndaryna, äsırese balalar men jastarǧa sportpen tūraqty türde ainalysyp, öz qabıletterın damytuǧa jaŋa mümkındıkter beredı.
«Būl jobalar qala tūrǧyndaryna, äsırese balalar men jastarǧa sportpen tūraqty türde ainalysyp, öz qabıletterın damytuǧa jaŋa mümkındıkter beredı. Jalpy, Memleket basşysynyŋ tapsyrmalaryna säikes, biyl jäne 2027 jyly öŋırımızde äleumettık jäne injenerlık infraqūrylymnyŋ 25-ten astam ırı nysanynyŋ qūrylysy bastalady. Bızdıŋ basty mındetımız – oblysqa investisiia tartu qarqynyn saqtap, jüzege asyrylyp jatqan jobalardyŋ nätijesı halyq üşın naqty sezıluın qamtamasyz etu», – dedı Ūlytau oblysynyŋ äkımı Eset Baiken.
6 myŋ körermenge arnalǧan jabyq futbol stadionynyŋ qūrylysyn 2027–2028 jyldary jüzege asyru josparlanyp otyr. Jaŋa nysan jergılıktı futbol komandalary men sport mektepterıne jyl boiy jattyǧu ötkızuge, sondai-aq türlı jarystar men oiyndardy ūiymdastyruǧa mümkındık beredı.
Zamanaui tennis ortalyǧynyŋ qūrylysy 2026–2028 jyldarǧa josparlanǧan. Joba aiasynda jabyq jäne aşyq tennis korttaryn, äkımşılık-tūrmystyq keşendı, jattyǧu zaldaryn, sondai-aq sportşylarǧa medisinalyq kömek körsetu jäne jattyǧudan keiın qalpyna keluıne arnalǧan bölmelerdı salu közdelgen.
Sonymen qatar, «Qazaqmys» korporasiiasynyŋ qoldauymen 2026–2027 jyldary Jezqazǧan qalasynda meşıt pen Kongress-ortalyq salu, qoǧamdyq keŋıstıkterdı abattandyru, mädeniet nysandaryn jöndeu, Keŋgır su qoimasynyŋ jaǧalauyn abattandyru jäne basqa da bırqatar jobalardy ıske asyru josparlanuda.
Atalǧan bastamalardy jüzege asyru Jezqazǧan qalasynda sportpen şūǧyldanuǧa jäne belsendı demalysqa jaŋa mümkındıkter aşyp, äleumettık jäne qalalyq infraqūrylymnyŋ damuyna qosymşa serpın beredı.
