Ūlytau oblysynda su tasqyny kezeŋıne daiyndyq aiasynda su basu qaupı bar aumaqtarǧa äueden monitoring jürgızıldı. Jūmysqa oblys äkımı Eset Baiken qatysyp, özen arnalarynyŋ, su qoimalary men gidrotehnikalyq qūrylystardyŋ jai-küiımen tanysty.
Monitoring barysynda eldı mekenderdıŋ ainalasyndaǧy jaǧdai da nazarǧa alyndy. Jauapty qyzmet ökılderımen bırge jaz mezgılınde atqarylǧan jūmystar tekserılıp, qosymşa şaralardy qajet etetın problemalyq uchaskeler anyqtaldy.
Sondai-aq tasqyn sularyn jinaqtap, auyl şaruaşylyǧy qajettılıkterıne paidalanu mümkındıgı qarastyryldy. Būl baǧytta su alu qūrylystaryn ornalastyruǧa qolaily aumaqtardy zerdeleu qajettıgı aityldy.
Oblys äkımı tiıstı basqarmalar men jauapty qyzmetterge su tasqyny kezeŋıne daiyndyq jūmystaryn jalǧastyryp, yqtimal qauıpterdıŋ aldyn alu şaralaryn tūraqty baqylauda ūstaudy tapsyrdy.
