Ūlytau oblysynyŋ Jaŋaarqa audanynda ötıp jatqan «Kökmaisa» etnofestivalınde öŋırdıŋ ısmer tıgınşılerı men qūraqşylyq önerınıŋ şeberlerı äzırlegen ūlttyq naqyştaǧy qūraq körpeler, jastyqtar jäne özge de qolöner tuyndylary köpşılık nazaryna ūsynyldy. Körme qazaqtyŋ dästürlı qolönerınıŋ bai mūrasyn tanystyryp, festival qonaqtarynyŋ erekşe qyzyǧuşylyǧyn tudyrdy.
Aita ketu kerek, Ūlytau oblysynan 56 tıgın şeberı elımızdıŋ üzdık qūraqşylarymen bırge Şyǧys Qazaqstan oblysynyŋ ortalyǧy Öskemen qalasynda ötken «Alaman qūraq» jobasynyŋ IV mausymyna qatysyp, auqymdy qūraq körpe tıgu jūmysyna öz ülesterın qosty.
Nätijesınde jobaǧa qatysuşylar ūzyndyǧy 2 şaqyrymdy qūraityn qūraq körpe daiyndap, 2026 jyly älemdık rekord ornatty. Būl – qazaqtyŋ dästürlı qolönerın halyqaralyq deŋgeide tanytqan tarihi jetıstık.
Atalǧan bıregei tuyndyny äzırleuge älemnıŋ 8 memleketınen jäne Qazaqstannyŋ 17 öŋırınen kelgen 800-ge juyq qolönerşı jūmyldyryldy. Ūlytaulyq şeberler öz jūmystarynda öŋırge tän tarihi oiu-örnekterdı, qazaqtyŋ dästürlı «şyǧys bıtpesı» ädısın jäne qūraq tıgudıŋ türlı täsılderın şeber üilestırıp, ūlttyq önerdıŋ ömırşeŋdıgın aişyqtai tüstı.
Bügınde älemdık rekord iegerlerı atanǧan ūlytaulyq qūraqşylardyŋ eŋbekterı «Kökmaisa» etnofestivalınıŋ sänın keltırıp, ūlttyq qūndylyqtardy därıpteitın taǧylymdy körmenıŋ maŋyzdy bölıgıne ainaldy.
