Túrkııa prezıdenti Rejep Erdoǵan áıel adamǵa jasalǵan shabýylǵa qarsy shara qoldanýǵa, qylmyskerlerdi jazalaý júıesin qataıtýǵa ýáde berdi, dep habarlaıdy “Adyrna” ulttyq portaly.
Azathabar.com málimetinshe, Túrkııada áıelderge jasalǵan aıaýsyz shabýyldardan keıin halyqtyń narazylyq tolqyny kúsheıgen.
Túrkııada áıel adamǵa qatysty zorlyq-zombylyq pen qylmystar jıilegen. Derekterge súıensek, bıylǵy jyldyń basynan beri 300-ge jýyq áıel kisi qolynan qaza tapqan.
Túrkııada birer apta buryn 19 jastaǵy qasapshynyń áıeldiń basyn kesip alyp, aıýandyqpen óltirgeni eldi shýlatyp, qoǵamdyq rezonans týdyrǵan. Keıinnen dál sol kúni onyń taǵy bir áıeldi baýyzdap óltirgeni anyqtalǵan.
Ótken aıda 26 jastaǵy polıeı áıeldi óltirý, odan da ózge qylmystar halyqtyń narazylyǵyn týdyrǵan. Azamattar birneshe aıyp taǵylǵan qylmyskerlerge qylmysyn jalǵastyrýǵa múmkindik beretin jazasyzdyqty toqtatýdy talap etip, pikir bildirýde.
Al Túrkııa prezıdenti Erdoǵan jaǵdaıǵa alańdaýshylyq bildirip, qylmystyq júıeni qaıta qaraýǵa ýáde berdi.
