Reseilık tanymal strimerler Anar Abdullaev pen Renatko Almatyda qazaqstandyq qyzdardy qorlaǧany üşın 15 täulıkke qamauǧa alyndy. Būl turaly Sports.ru basylymy jazdy, dep habarlaidy "Adyrna".
«Olardyŋ ūstaluyna strim barysynda qazaqstandyq qyzdardyŋ atyna aitylǧan qorlaityn sözder sebep boldy», — dep jazdy basylym.
Qamauǧa alynǧanyn basqa strimer Ravşan da rastady.
«Bız de, jıgıtter de sözımızben nemese äreketımızben eşqandai terıs niet tanytqymyz kelgen joq. Jıgıtterımızdıŋ aitqan sözderı arqyly renjıgen barlyq adamdardan şyn jürekten keşırım sūraimyz», — dedı Ravşan.
Būl aqparatty Almaty qalalyq Polisiia departamentınıŋ baspasöz qyzmetı de rastady. Vedomstvo ökılderınıŋ aituynşa, ūsaq būzaqylyq faktısı boiynşa ekı şetel azamatyna qatysty äkımşılık ıs qozǧalǧan.
Keiın ıs sotqa joldanyp, sot şeşımımen ekeuıne de 15 täulıkke qamau jazasy taǧaiyndaldy.
