2026 jylǧy 3–4 qazanda Moŋǧoliianyŋ Baian-Ölgii aimaǧyna qarasty Būlǧyn sūmynyŋ Saiat alaŋynda dästürlı 27 halyqaralyq «Altyn bürkıt» festivalı öttı. Qazaqtyŋ ejelgı saiatşylyq önerın därıpteitın aituly şaraǧa myŋdaǧan körermen men älemnıŋ tükpır-tükpırınen kelgen turister qatysty, dep habaraidy «Adyrna» tılşısı.
Festival aiasynda bürkıtşıler qyran qūstardy baptau men aŋşylyq şeberlıgın paş etıp, özara baq synady. Sonymen qatar ūlttyq mädeni qoiylymdar körsetılıp, qazaqtyŋ dästürlı «Qyz quu», «Kökpar» oiyndary ūiymdastyryldy. Qolönerşıler körmesı de keluşılerdıŋ erekşe qyzyǧuşylyǧyn tudyrdy.
Ūiymdastyruşylardyŋ bırı Bekbolat Būǧybaiūlynyŋ aituynşa, biylǧy merekege qatysu üşın seksenge juyq bürkıtşı aldyn ala tırkelgen. Jolda kele jatqan saiatşylardy qosa eseptegende, saiysqa 90-ǧa juyq bürkıtşı qatysqan.
«Halqymyzdyŋ saiatşylyq dästürın älemge tanytu baǧytynda auqymdy jūmystar jürgızılıp jatyr. Ölgei qalasynda aşylǧan Bürkıtşıler saraiy ūlttyq mūrany nasihattauǧa üles qosuda. Ötken jyly festivalge 600-ge juyq şeteldık turist kelse, biyl da 600–700 turist kelgenı turaly aqparat bar»,– dedı ol.
«Altyn bürkıt» – Moŋǧoliia qazaqtarynyŋ atadan balaǧa jalǧasqan aŋşylyq önerın, ūlttyq oiyndary men salt-dästürın nasihattaityn eŋ ırı mädeni şaralardyŋ bırı. Mamandardyŋ aituynşa, bürkıtpen aŋ aulau dästürınıŋ tarihy şamamen 6000 jylǧa sozylady. Būl köne önerdı bügıngı künge deiın saqtap kelgen halyqtardyŋ bırı – Moŋǧoliia qazaqtary.
Soŋǧy jyldary festivalge degen qyzyǧuşylyqtyŋ artuyna bailanysty Moŋǧoliiada festival jylyna ekı ret ötkızıletın deŋgeige jetken. Būl ūlttyq mūrany halyqaralyq deŋgeide tanytyp, eldıŋ turistık äleuetın arttyruǧa yqpal etıp otyr.
Suret: Sputnik.kz
