2025 jyly «Otbasy banktıŋ» bırqatar qyzmetkerıne qatysty sybailas jemqorlyq sipatyndaǧy faktıler anyqtaldy, dep habarlaidy "Adyrna" ūlttyq portaly.
Būl turaly banktıŋ Qazaqstan qor birjasyna (KASE) ūsynǧan jyldyq esebınde aitylǧan.
Bank mälımetınşe, keibır qyzmetkerler klientterdıŋ, rieltorlardyŋ, jeke sot oryndauşylary men notariustardyŋ müddesın ılgerıletu, sondai-aq tūrǧyn üi kezegındegı oryndardy jyljytu üşın zaŋsyz syiaqy alǧan. Sonymen qatar banktıŋ filialdarynyŋ bırınde qyzmetker klientterdıŋ nesie qabılettılıgın rastaityn jalǧan tabys turaly qūjattar daiyndap, olardy kredittık ötınımderge tırkegenı anyqtalǧan.
Atalǧan qyzmetkerlermen eŋbek şarttary jūmys beruşınıŋ bastamasymen, senımnıŋ joǧaluyna bailanysty būzylǧan.
Bank anyqtalǧan faktıler boiynşa qūqyq qorǧau organdaryna tiıstı ötınışter joldaǧan. Qazırgı uaqytta bırqatar qylmystyq ıs boiynşa sotqa deiıngı tergeu jürgızılıp jatyr. Bank esebınde atalǧan ıster boiynşa tergeudıŋ nätijelerı turaly qosymşa mälımet keltırılmegen.
