Qazaqstanda jyl basynan berı 133 myŋ migrant öz erkımen elden kettı. Būl turaly "Adyrna" ūlttyq portaly Polisia.kz saityna sılteme jasap habarlaidy.
"Pandemiia kezınde Qazaqstan aumaǧynda bolǧan myŋdaǧan şetel azamaty elden şyǧa almai qaldy. IIM köşı-qon qyzmetınıŋ, şet memleketter ökıldıkterınıŋ jäne köşı-qon jönındegı halyqaralyq ūiymnyŋ yqpalymen būl adamdardyŋ qūjattaryn resımdeuge kömek körsetıldı. Jyl basynan berı polisiia qyzmetkerlerı 133 myŋ zaŋsyz migranttyŋ elden öz erkımen ketuıne kömektestı. Tölqūjattarynyŋ jaramdylyq merzımı ötken 675 şeteldıkke qaitu turaly arnaiy kuälık berıldı", – dep atap öttı IIM basşysy Erlan Tūrǧymbaev.Osy jyldyŋ aqpan aiynda ışkı ıster ministrlıgı "Migrant" jedel aldyn alu şarasynyŋ ekı kezeŋın ötkızdı. IIM mälımetı boiynşa, köşı-qon zaŋnamasyn öreskel būzu faktılerı anyqtalǧan. Jedel aldyn alu şarasy barysynda şeteldık jūmys küşın rūqsatsyz paidalanǧany üşın 582 jūmys beruşı jauapkerşılıkke tartyldy. Zaŋsyz köşı-qon ūiymdastyru faktılerı boiynşa 28 qylmystyq ıs tırkeldı. Almaty oblysynda qytailarmen töbeleske ne sebep bolǧany aityldy Osylaişa, Şymkent qalasynda Özbekstannyŋ 70 azamaty men 62 qytaidy jūmysqa zaŋsyz qabyldaǧan bırqatar zaŋdy tūlǧalar anyqtaldy. Qazırgı uaqytta zaŋsyz köşı-qondy ūiymdastyru faktısı boiynşa sotqa deiıngı tergeu bastaldy. Sonymen qatar, jedel aldyn alu şarasy kezınde ızdeu jariialanǧan 140 qylmysker ūstaldy. Olardyŋ ışınde 129 qazaqstandyq, TMD elderınıŋ 10 azamaty, sondai-aq, seksualdyq sipattaǧy zorlyq-zombylyq äreketterı jäne bopsalau faktısı boiynşa halyqaralyq ızdeude jürgen Türkiia azamaty bar. IIM köşı-qon qyzmetı komitetınıŋ mälımetı boiynşa, köşı-qon zaŋnamasyn qasaqana būzǧandarǧa qatysty zaŋsyz immigranttardy el aumaǧynan şyǧaru turaly 969 sot şeşımı şyǧarylǧan.
Ūqsas jaŋalyqtar
Prezident Toqaev pen Si Szinpin Astanadaǧy kezdesu qorytyndysy boiynşa bırqatar qūjattarǧa qol qoidy
