Almatyda örtengen hostel zaŋsyz jūmys ıstegen. Būl turaly Almaty äkımdıgı mälımdedı, dep habarlaidy “Adyrna” ūlttyq portaly.
Aqparatqa säikes, ǧimarattyŋ iesı - «KUSA Halyk» JŞS. Jalǧa aluşy – «ALA Hostel» JŞS, jaldau jönındegı kelısım şart 21.09.2023 jyly jasalǧan. Jer uchaskesınıŋ nysanaly maqsaty: dükendı paidalanu jäne qyzmet körsetu üşın. Būl nysan bır jarym ai būryn hostelge ainaldy. Hostel alaŋy 457 şarşy metr. «Säulet, qala qūrylysy jäne qūrylys qyzmetı turaly» zaŋǧa säikes üi-jailardy qaita jabdyqtau kezınde rūqsat qūjattaryn alu kerek. Onyŋ üstıne Almatynyŋ qalalyq josparlau jäne urbanistika basqarmasy qaita jabdyqtauǧa arnalǧan bastapqy rūqsat qūjattaryn (APZ, şeşım) bermegen. Dükennen hostelge funksionaldyq maqsaty özgergen kezde sanitarlyq-epidemiologiialyq, qūrylys talaptary men ört qauıpsızdıgı erejelerın oryndauy qajet», - delıngen habarlamada. Hosteldı jertöle jäne jertöle qabattarynda ornalastyruǧa sanitarlyq-epidemiologiialyq talaptardyŋ 23-tarmaǧyna säikes tyiym salynady. Osylaişa, joǧaryda atalǧan mekenjai boiynşa hostel sanitarlyq-epidemiologiialyq, qūrylys talaptary men ört qauıpsızdıgı erejelerın būza otyryp, zaŋsyz ornalasqan. Būǧan deiın habarlaǧanymyzdai, bügın taŋerteŋ Almatyda ornalasqan hostelderdıŋ bırınen ört şyǧyp, 13 adamdy ajal qūşty. Belgılı bolǧandai hosteldıŋ ıske qosylǧanyna ne bärı 1,5 ai bolǧan. Onda şetel azamattary tūrǧan. Sonymen qatar örttıŋ şyǧu sebepterın tekseru jönındegı Ükımettık komissiia qūryldy.Örtten zardap şekkenderdıŋ jaǧdaiy turaly mälımet belgılı bolǧan edı.Ūqsas jaŋalyqtar
