Kiev Putin men Tramp kelıssözın būzu üşın arandatuǧa daiyndalyp jatyr. Būl turaly Resei qorǧanys ministrlıgı aitty, dep habarlaidy «Adyrna» tılşısı.
«Osy maqsatta 11 tamyz düisenbı künı Ukraina qauıpsızdık qyzmetınıŋ avtokölıkterımen şeteldık BAQ-tyŋ bır top jurnalisı «maidan maŋyndaǧy qala tūrǧyndary turaly bırneşe reportaj daiyndau» degen jalǧan jeleumen Harkov oblysy Chuguev qalasyna jetkızıldı»,—dedı ministrlık.
Resei äskerı Ukraina Qaruly küşterı raketalar nemese drondar arqyly köp halyq tūratyn audanǧa nemese köp zardap şekken azamattar bar auruhanaǧa şabuyl jasauy mümkın dep boljauda.
«Būl äreket Resei men AQŞ prezidentterı Vladimir Putin men Donald Tramp kezdesuı aldynda jaǧymsyz ahual jasau maqsatynda jasalmaq»,—delıngen habarlamada.
Būǧan deiın TASS basylymy AQŞ pen Resei prezidentterınıŋ 15 tamyz künı Ankoridj qalasynda (Aliaska) kezdesuı ötetının jazǧan edı.
