AQŞ prezidentı Donald Tramp Reseige qatysty äskeri daiyndyq turaly mälımdedı, dep habarlaidy "Adyrna" ūlttyq portaly Tengrinews-qa sıltep.
1 tamyz künı Newsmax arnasyna bergen sūhbatynda Reseige qatysty äskeri daiyndyq turaly mälımdeme jasady. Ol Reseidıŋ qauıpsızdık keŋesı töraǧasynyŋ orynbasary Dmitrii Medvedevtıŋ iadrolyq qaruǧa qatysty mälımdemelerın "asa qauıptı" dep baǧalap, jauap retınde aimaqqa ekı atomdyq süŋguır qaiyq jıberuge būiryq bergenın aitty.
"Iаdrolyq" degen sözdı estıgende menıŋ közım jainaidy. Būl – eŋ ülken qauıp. Sondyqtan abai bolu kerek. Men ekı süŋguır qaiyqty attandyrdym. Medvedev aitqan sözder – tek söz ekenın, şyndyqqa ainalmaitynyn teksergım keldı", – dedı Tramp.
Jurnalistıŋ naqtylauynşa, süŋguır qaiyqtar Reseige jaqyndap kele jatyr ma degen sūraqqa AQŞ prezidentı:
"İä, olar Reseige jaqynyraq ornalasqan", – dep jauap berdı.
Sol künı Tramp özınıŋ Truth Social paraqşasynda da osyǧan qatysty mälımdeme jasap, Dmitrii Medvedevtıŋ "öte arandatuşylyq" mälımdemelerıne jauap retınde būl şeşımdı qabyldaǧanyn, būl – amerikalyqtardyŋ qauıpsızdıgın qamtamasyz etu jolyndaǧy qadam ekenın jazǧan bolatyn.
