Būryn Reseidıŋ propagandisterı ǧana aitatyn sözderıdı soŋǧy künderı Tramptan bastap bıraz adam aityp kettı. Osy jerde de sondai mändegı qazaqşa mätınder kezdese bastaǧan soŋ, oiymdy jazyp qoiaiyn dedım. Köpşılık solardyŋ jazǧanyn oqi-oqi senıp qalmasyn.
Zelenskii soǧysqa kınälı, Ukraina Reseimen soǧysam dep beker qyrylyp qaldy, Reseidı eşkım jeŋe almaidy degen siiaqty sözderdı aitatyn adamǧa menıŋ mynadai sūraqtarym bar:
Zelenskii ne ısteuı kerek edı?
Ukraina soǧyspaǧanda ne ısteuı kerek edı?
Resei endı imperiia retınde qaita küşeiedı dep şyn senesızder me?
Būndai taqyryptar qazır qorqynyşty körıne bastaǧanyn, bolaşaqta tıptı qauıptı taqyryp retınde qabyldana bastaitynyn bılemın. Bıraq BAQ pen äleumettık jelıdegı äŋgımelerden de maŋyzdy bır närse bar, ol - bızdıŋ sanamyz. Bızdıŋ miymyzdaǧy, qazırgı kouchtardyŋ tılımen aitqandaǧy "ustanovkalar". Joǧaryda aitylǧan närselerge senıp qalsaq, bıttık dei berıŋızder.
Zelenskii bärın dūrys ıstedı. Konstitusiiasyna sai memlekettıŋ territoriiasyn qorǧady. Endı ne ısteuı kerek edı, qaşyp ketuı kerek pe edı?
Ol syrttan kırgen jaudan elın qorǧady. Tylynda jatqan batys elderın köndırdı. Bügın Ukraina şabuyl ötınde tūrsa, erteŋ özderıŋ sondai jaǧdaida qalasyŋdar, sondyqtan bızge kömektesıŋder dedı. Arpalysty. Sonyŋ nätijesınde älı künge elı aman-esen tūr, älemnıŋ ekınşı äskerı dep kelgen jauy qarǧa adym jerı mūŋ bolyp, jüzdegen adamynyŋ janyn qiyp, alǧa jylji almai, tityqtap tūr. Būl - negızınde erlık.
Ukrain halqynıkı de dūrys. Öz taǧdyrymyzdy özımız şeşemız dedı, oǧan deiın özderıne ūnamaityn şeşım qabyldaǧan basşylaryn töŋkerıp te tastady. Özderı bıledı ǧoi? Kımnıŋ ne aqysy bar? Ölsek te, orysqa könbeimız, keşe ǧana şyqqan qoramyzǧa qaita kırmeimız dedı. Mıne, älı sol nietterınen qaitpai soǧysyp jatyr. Osyǧan deiın ölgen adamdaryn alyp qalu üşın, qiraǧan qalalaryn saqtap qalu üşın köne berulerıne de bolar edı. Bıraq olar üşın közge körınbeitın dünieler maŋyzdyraq bolyp tūr ǧoi. Erte me, keş pe, būl soǧys bıtedı, Ukraina sol kezde myqty el bolady, köresızder. Qazır soǧys körgen balalar erteŋ myqty-myqty tūlǧa bolady. Qazırgı qyrylyp jatqandar solar üşın ölıp jatyr.
Viktor Şenderovichtıŋ aitqany bar. Resei imperiiasy 1917 jyldan bastap ydyrau üderısınen ötıp jatyr deidı. Bır qirauy sol 1917 jyly, ekınşı ret qirauy 1991 jyly boldy deidı. Rim imperiiasynyŋ ydyrauy 300 jylǧa ūlasqan, sol aralyqta kelgen ärbır imperator imperiiany saqtap qala alamyn dep oilaǧan deidı. Men osyǧan senemın. Resei imperiialyq piǧylynan qaityp, esıgın tars jauyp alyp özın-özı emdeuge köşetın kün keledı.
Ras, dünienıŋ astan-kestenı şyǧatyn türı bar. Bızde de köp özgerıs bolady-au. Bıraq ışımızdı bermeuımız kerek. Būdan da ötemız ǧoi.
Menıŋ memlekettı basqaryp otyrǧan adamdarǧa eşqandai jaulyǧym joq. Ainalyp kelgende olar üşın de paidaly adammyn dep esepteimın özımdı. "Betege keter bel qalar, bekter keter, el qalar". Sızder bır künı ketesızder, bar kezderıŋızde men siiaqty adamdarmen syilasyp qalyŋyzdar...
Arman Älmenbet
Ūqsas jaŋalyqtar
