Jyl basynan berı Qyzylorda oblysy aumaǧynda 300 ört oqiǧasy tırkeldı, būl ötken jyldyŋ säikes kezeŋımen salystyrǧanda 4,2%-ǧa artyq (2025 jyly – 288). Ört saldarynan 3 adam qaza tauyp (2025 jyly – 4), 10 adam jaraqat aldy, būl ötken jyldyŋ deŋgeiımen bırdei.
Örtterdıŋ 165-ı tūrǧyn üi sektorynda oryn alyp, olardyŋ 70 paiyzdan astamy tūrǧyndardyŋ ört qauıpsızdıgı talaptaryn saqtamauynan tuyndaǧan.
Ört qauıptı kezeŋ bastalǧaly jeke jäne zaŋdy tūlǧalarǧa qatysty 596 äkımşılık qūqyq būzuşylyq anyqtalyp, jalpy somasy 11 mln 410 myŋ teŋge aiyppūl salyndy. Onyŋ ışınde 77 derek quraǧan şöp, qamys jäne qoqys qaldyqtaryn örteu faktılerı boiynşa tırkeldı.
Memleket basşysy bastamaşylyq etken «Taza Qazaqstan» baǧdarlamasy men «Zaŋ jäne tärtıp» qaǧidatyn ıske asyru aiasynda Tötenşe jaǧdailar departamentı jergılıktı atqaruşy organdarmen, polisiiamen, ekologiia departamentımen jäne erıktılermen bırlesıp ört qauıpsızdıgı talaptaryn saqtau boiynşa tūraqty profilaktikalyq jūmystar jürgızude. Atalǧan ıs-şaralar barysynda azamattarǧa qoqys qaldyqtaryn, quraǧan şöp pen qamysty örteu Qazaqstan Respublikasynyŋ Äkımşılık qūqyq būzuşylyq turaly kodeksınıŋ 336 babyna säikes äkımşılık jauaptylyqqa äkep soǧatyny tüsındırılıp, belgılengen mölşerde äkımşılık aiyppūl közdelgenı turaly eskertıldı.
Osyǧan bailanysty Tötenşe jaǧdailar departamentı tūrǧyndardy ört qauıpsızdıgı talaptaryn qataŋ saqtauǧa, qoqys pen qūrǧaq ösımdıkterdı örtemeuge jäne örttıŋ tuyndauyna jol bermeuge şaqyrady.
