Qyzylorda oblysynda mektep oqýshysyn óltirgen balaǵa qatysty sot otyrysy ótti, dep habarlaıdy "Adyrna" ulttyq portaly.
Mamyr aıynda Qyzylorda oblysynda kisi ólimine qatysty derek tirkelgen bolatyn.
8 qazan kúni 9-synyp oqýshysynyń keýde tusynan uryp óltirgen 10-synyp oqýshylaryna qatysty sot otyrysy ótti.
Qazirgi tańda joǵary synyptyń eki oqýshysy sotqa tartyldy. Olarǵa Qylmystyq kodeksiniń “Densaýlyqqa qasaqana aýyr zııan keltirý” jáne “Buzaqylyq” degen aıyp taǵyldy.
Shıeli aýdany Qodamanov aýylynyń 10-synyp oqýshylary 9-synyp oqýshylaryn "syılastyq tanytpady, amandaspady" degen syltaýmen olardy jazalamaq bolyp, qol kótergen. Sottalýshylardyń biri tizilip turǵan ózinen kishi balalardyń betinen urǵan.
“Sottalýshy K jábirlenýshiniń keýde tusynan judyryǵymen qatty urǵan. Jábirlenýshiniń júregi reflektorly toqtap, nátıjesinde aýyr dene jaraqatynan mert boldy", – delingen sotta.
Sot sheshimimen kámeletke tolmaǵan bir jasóspirim 6 jyl 8 aıǵa bas bostandyǵynan aıyryldy. Al "buzaqylyq jasaǵany úshin" aıyptalyp sotqa tartylǵan eki sottalýshy taraptardyń tatýlasýyna baılanysty jazadan qutylǵan.
