Mal azyǵynyń jetispeýinen qyzylordalyq fermerdiń qoıy qyryldy, dep habarlaıdy EK.
Rýstem Qudaıbergenov qoı sharýashylyǵymen 2016 jyldan beri aınalysyp keledi. Kásibin bastaý úshin ol memleketten tómendetilgen paıyzben nesıe alǵan. Qýańshylyq kezinde sharýanyń bir otar, ıaǵnı 650 qoıynyń 217-i ashtan qyrylǵan. Sebebi — mal azyǵy joq, shóp kúnge kúıip ketken, jeýge jaramsyz.
Qazir ol qalǵan malyn aman saqtap qalý úshin Jezqazǵan oblysyndaǵy tanysyna ótinish aıtyp, sol jaqtaǵy jaıylymǵa bardy.
Rústem Qudaıbergenovtyń sózinshe, mal qyrylǵan kezde oǵan memleketten eshqandaı kómek bolmaǵan.
Búginde kásipkerdiń nesıesi tolyq tólenip bitpegen, áli 100 mıllıon teńgedeı bankke qaryzy bar.
Qyzylorda oblysy, Aral aýdanyndaǵy aýyldarda 500-den asa mal ólgen. Ózekti másele áli kúrmeýin tapqan joq. Mamandar maldyń jappaı qyrylýynyń sebebin qýańshylyqpen baılanystyrdy. Múıizdi iri qara, jylqy, qoıǵa azyq jetispeı otyr. Aryq mal aýrýǵa shaldyǵyp, ashtan qatýda. Kúrdeli máselege alańdaǵan qazqstandyqtar tótenshe jaǵdaı jarııalanǵan Aral aýdanyna mal azyǵyn jıi jiberip jatyr.
Sondaı-aq, Aýyl sharýashylyǵy mınıstrligi jedel is-sharalar júrgizip, jaǵdaıdyń turaqtalýyna jumys isteýde. Memleket 16,1 mıllıon tonna (josparlanǵan jyldyq kólemniń 68% -y) jem-shóp jınady. Al vedomstvoaralyq komıssııa 15 tamyzdan bastap respýblıka aımaǵynan jem-shóp áketýge jáne jemge arnalǵan astyqtyń eksportyn ýaqytsha tyıym salýdy engizý týraly sheshim qabyldaǵan bolatyn.
Búginde Aral aýdanynda Tótenshe jaǵdaıdy joıýǵa birqatar jumystar atqarylyp jatyr. Qyzyljar aýmaǵyndaǵy 15 gektar jaıylymdy, shabyndyq jerlerdi sýlandyrý úshin Bektaý kanalyn tazartý jumystaryn bastady. Jalpy, 8 kanaldy tazalaý josparda tur.
