Aqtöbede jergılıktı käsıpker kezınde "100 jylqy ūrlady" degen aiyppen sottalǧan Rahat Särsenovke baspana tartu ettı.
Eske salaiyq, būǧan deiın 60 jastaǧy Rahat Särsenovke "100 bas jylqy ūrlady" degen aiyp taǧylyp, Mūǧaljar audandyq soty ony 7 jylǧa bas bostandyǧynan aiyrǧan bolatyn. Sonymen qatar jäbırlenuşı taraptyŋ 30 million teŋge kölemındegı azamattyq talaby da qanaǧattandyrylǧan.
Alaida qorǧauşylar būl ükımmen kelıspei, apelliasiialyq şaǧym tüsırdı. Istı qaita qarau barysynda aiyptau baby özgertılıp, Särsenovtıŋ 100 emes, nebärı bır jylqynyŋ qūny mölşerınde ǧana materialdyq şyǧyn keltırgenı anyqtaldy. Osyǧan bailanysty ol raqymşylyqqa ılıgıp, sot zalynan bırden bostandyqqa şyqty. 30 jyldan astam uaqyt jylqyşy bolyp eŋbek etken qariianyŋ bostandyqqa şyqqan sättegı tolqynysy köpşılıktıŋ jüregın eljıretıp, oqiǧa äleumettık jelıde keŋınen talqylandy.
Keiın jurnalist Ruslan Ötepbai Rahat Särsenovtıŋ basyndaǧy qiyndyq mūnymen aiaqtalmaǧanyn mälımdedı. Onyŋ aituynşa, 2019 jyly būrynǧy jūmys beruşısı qariiany notariusqa aparyp, jalǧyz baspanasyn kepılge qoiǧyzǧan. Erlı-zaiyptynyŋ sözınşe, qūjattardyŋ orys tılınde räsımdeluıne bailanysty olar naqty qandai qūjatqa qol qoiyp jatqanyn tolyq tüsınbegen. Qazır sot şeşımı şyqqandyqtan, Särsenov otbasy jalǧyz üiınen aiyrylyp qalu qaupıne tap bolǧan.
Osy jaǧdai qoǧamda ülken rezonans tudyrǧannan keiın aqtöbelık käsıpker Rahat Särsenovtıŋ otbasyna qaladan baspana syilady. Quanyşty jaŋalyqty jurnalist Ruslan Ötepbai äleumettık jelıdegı paraqşasynda bölısıp, beinejazba jariialady.
«Rahat Särsenovtıŋ otbasyna jergılıktı käsıpker Aqtöbe qalasynan baspana syilady. "Jūmysymnan körmegen jaqsylyqty halyqtan kördım" dep, Rahat ata köz jasyna erık berdı», – dedı jurnalist.
