Páter alyp-satýmen aınalysatyn, bashkastyı kórshimiz bar. Kotlovanǵa aqsha quıýdyń artyqshylyǵy men táýekelderin búge-shigesine deıin biledi...
Utymdy varıant kórse, biz sekildi on oılanyp, júz tolǵanyp jatpaıdy. Aqshasy jetpeı jatsa, astyndaǵy kólikti de aınalymǵa jiberip, qurylystyń eń erte kezeńinde ınvestıııa jasap qoıady.
ROI-Return on Investment (ınvestıııa qaıtymy), CAP rate (kiris koeffııenti), páterdiń jyldyq kapıtal ósimi degen uǵymdardy alǵash osy kórshimnen estidim. Áńgimesiń tyńdasań, feısbýktegi "asanqaıǵylanǵan" aýranyń qursaýynan bosap, ómirge degen qulshynysyń oıanyp, saýatyń ashylyp, kásip bastaǵyń kelip ketedi))
Sol kórshim aıtady, Almatyda kotlovan kezeńinde satyp alynǵan páterdiń baǵasy jobanyń tolyq aıaqtalýyna deıin 30-40 paıyzǵa deıin ósedi eken (keıde 50-ge deıin barady).
Jańylyspasam, byltyr Atakenttiń janyndaǵy jeti qabatty JK-dan kotlovan sátinde 40 mln teńgege eki bólmeli úı alyp qoıdy, sony túneýkúni 55 mln teńgege satypty. Baǵanyń ósýi: 55 mln – 40 mln = 15 mln teńge (taza tabys).
Ilgeride aıtqan ROI = (Paıda / Bastapqy ınvestıııa) x 100 = (15 mln / 40 mln) x 100 = 37.5%. Kórshimniń tilimen aıtqanda, ınvestıııanyń qaıtarymy 37.5 paıyzdy quraǵan. Sonyń aldynda taǵy bir JK-daǵy páterin 60 mln-nyń ústinde satty. Bul endi men biletini ǵana.
Kotlovanǵa aqsha quıýdyń bir artyqshylyǵy, qurylystyń bastapqy kezeńinde satyp alýshylarǵa páterdiń túri, ornalasýy men etajy boıynsha keńirek tańdaý beriledi eken.
"Joba aıaqtalǵanǵa deıin eń tartymdy páterler, mysaly joǵary qabattaǵy kórinisi ádemi páterler nemese aýdany úlken páterler ystyq pırájkı sekildi lezde satylyp ketedi. Zastroııkter kotlovan kezeńinde klıent tartý úshin jeńildikter men ıkemdi tólem sharttaryn usynady. Bólip tóleý arqyly satyp alý múmkindigine ıe bolasyń nemese bastapqy jarnany tómendetip alýǵa bolady" deıdi kórshim.
Ótkende qarasam, jaıaý júr. Astyndaǵy kóligin satyp jiberip, taǵy bir kotlovanǵa aqsha quıypty. "Ol páterdi, buıyrsa, jalǵa berem. Álgi aýdanda bir bólmeli páterdiń arendasy aıyna 400 myńnan kem emes. Úıdi keler jylǵa deıin aıaqtasa, bir-eki aıda remontyn rettep, buıyrsa, jyl saıyn 4.8 mln teńge turaqty kiris alamyn", - dep otyr.
Ilgeridegi CAP rate (kiris koeffııenti) degeniń jyldyq jalǵa berý kirisine qatysty kórsetkish eken. CAP Rate = (Jalǵa berý quny / Páterdiń quny) x 100 = (4.8 mln / 50 mln) x 100 = 9.6%
Bylaısha aıtqanda, jalǵa berýden túsetin dıvıdend qoı. Kórshim páterdi arendaǵa berýden jyl saıyn páter qunynyń 9.6% -yn tabys retinde alyp otyrady.
Jalpy, mundaı jigittermen aralasqannyń jóni bólek eken. Eń bastysy, áńgimesinen sharshamaısyń. Ahilep, úhilegenin kórmeısiń. Bıznes, fınans, tutastaı alǵanda táýekel menejmentin myqty meńgergen. Meniń "fb-daǵy postymdy oqymapsyń, oqysań da laık baspaı óte shyǵypsyń" dep ókpe artpaıdy, "ult úshin uıqy kórmeı júrmin" degen obrazǵa enbeıdi, pafospen aınalyspaıdy.
Esesine, jaqsy ómir súredi. Bári bar.
Investıııa jasamas buryn naryqtyń ıklin, jobanyń potenıalyn, ınfláııanyń áserin, zastroııktiń bedelin jáne makroekonomıkalyq ahýaldy muqııat zertteıdi. Shyny kerek, "perekýp" degen súıkimsiz sózge qımaısyń. Zamannyń aýanyn sezetin adam degen durys shyǵar. Mysaly, biz kóbine daıyn ónimdi satyp alamyz ǵoı. Bular eshkim kórmegendi kóredi. Sanasynda naryqtyń zańdylyqtary men naqty sandar turady.
Baıqaǵanym, mundaı jigitter balalaryna eńbek pen tabystyń baılanysyn, naryqtyń prınıpterin erte jastan úıretedi, olardy táýelsiz ári qabiletti tulǵa retinde qalyptastyrýǵa tyrysady.
Bala-shaǵasynyń búgingi qajettilikterin qamtamasyz etip qana qoımaı, olarǵa bolashaqta qarjylyq erkindik beretindeı aktıvterdi jınaqtaıdy. Bulardyń tabys tabýy bizdiki sekildi kúndelikti qajettilikti jabý emes, jan-jaqty qamtylǵan qarjylyq ekosıstema qurý. Fýkýıamasha aıtqanda, kapıtaldy ósirý, qundylyq jasaý, mura qaldyrý prınıpterin tereń meńgergen.
Ótkende sóılese qalǵanda, elden kóshetin nıeti baryn ańǵartyp qaldy. Soǵan qaraǵanda otbasyna uzaq merzimdi turaqtylyq beretin, balalaryna jaqsy bilim men ómirlik múmkindikter syılaıtyn resýrs jınaǵan sekildi.
Dýman Byqaı
