AQSh-tyń tórt demokrat-senatory Aq úıde ótken sharaǵa baılanysty tergeý júrgizýdi talap etti. Bul sharada el prezıdenti Donald Tramp pen amerıkalyq kásipker Ilon Mask Tesla kólikteriniń janynda baspasóz ókilderine suhbat bergen edi, dep habarlaıdy “Adyrna” ulttyq portaly.
Senatorlar Elızabet Ýorren, Adam Shıff, Korı Býker jáne Rıchard Blıýmental AQSh-tyń Úkimettik etıka basqarmasynyń (OGE) ýaqytsha dırektory Dýglas Kollınzge hat joldap, memlekettik orynnyń jeke kompanııany jarnamalaý úshin qoldanylǵanyna alańdaýshylyq bildirdi.
Olardyń pikirinshe, Mask óz baılanystaryn paıdalanyp, Tesla kóliginiń jarnamasyn jasady. Olar bul oqıǵanyń egjeı-tegjeıin tekserýdi talap etti.
«Mask Aq úı aýlasynda prezıdentpen birge resmı baspasóz konferenııasyna qatysyp, Tesla-ny nasıhattady. Bul onyń óz kommerııalyq múddeleri úshin baılanystaryn qoldanatynyn kórsetedi jáne Tramp ákimshiliginiń kompanııany qoldaıtyny týraly áser qaldyrady», – delingen hatta.
12 naýryzda ótken is-shara barysynda prezıdent Tramp Tesla kólikteriniń birin satyp alýǵa ýáde berdi.
«Men ony satyp alamyn, óıtkeni bul – keremet ónim. Sonymen qatar, bul adam (Mask) ómirin osy iske arnady jáne oǵan ádiletsizdik jasaldy dep oılaımyn», – dedi Tramp.
