"Twitter", "Tesla" jäne "SpaceX" kompaniialarynyŋ iesı İlon Mask Qytai elektrokarynan seskene bastady. Ol qytailyq elektrokar öndıruşılerge qarsy sauda tosqauylyn engızudı ūsyndy. Būl turaly Reuters jariialady, dep habarlaidy “Adyrna” ūlttyq portaly.
Aqparatqa süiensek, qarjylyq esep beru kezınde Tesla basşysy Qytai kompaniialary bäsekege äldeqaida qabılettı dep aitqan.
Sondai-aq, İlon Mask Qytai avtoöndıruşılerı şetelde bıraz jetıstıkke jete alady dep mälımdedı. Ol «Sauda tosqauyly qoiylmasa olar basqa älemdık kompaniialardy joiyp jıberuı mümkın» ekenın aitqan.
Älemdegı elektromobil öndıretın eŋ ırı kompaniia basşysy Qytai brendterınıŋ tarauyn şekteu üşın tyiym salatyn baj, bögeme tarif jäne basqa ūqsas ädısterdı qoldanuǧa şaqyrady.
Aita keteiık, Tesla elektromobil naryǧynyŋ köşbasşysy ataǧyn joǧaltty. Al BYD törtınşı toqsanda kaliforniialyq kompaniiadan asyp tüstı.
Basylym habarlaǧandai, Qytai öndıruşılerı Europa naryǧynda qalai demping jasai alatynyn anyqtau üşın Eurokomissiia tekserudı bastady. Kölık qūny memlekettık subsidiialar arqasynda tömendegenı rastalsa, Euroodaq aspan asty elınıŋ brendterın jetkızudı jasandy türde şekteuı mümkın.
AVTOVAZ basşysy Maksim Sokolov ta Qytai öndıruşılerınıŋ Resei naryǧyn belsendı türde jaulap aluyn agressiia dep atady. 2023 jyldyŋ qorytyndysy boiynşa avtomobil eksportysalasynda Qytai älemdık köşbasşyǧa ainaldy.
