"Twitter", "Tesla" jáne "SpaceX" kompanııalarynyń ıesi Ilon Mask Qytaı elektrokarynan seskene bastady. Ol qytaılyq elektrokar óndirýshilerge qarsy saýda tosqaýylyn engizýdi usyndy. Bul týraly Reuters jarııalady, dep habarlaıdy “Adyrna” ulttyq portaly.
Aqparatqa súıensek, qarjylyq esep berý kezinde Tesla basshysy Qytaı kompanııalary básekege áldeqaıda qabiletti dep aıtqan.
Sondaı-aq, Ilon Mask Qytaı avtoóndirýshileri shetelde biraz jetistikke jete alady dep málimdedi. Ol «Saýda tosqaýyly qoıylmasa olar basqa álemdik kompanııalardy joıyp jiberýi múmkin» ekenin aıtqan.
Álemdegi elektromobıl óndiretin eń iri kompanııa basshysy Qytaı brendteriniń taraýyn shekteý úshin tyıym salatyn baj, bógeme tarıf jáne basqa uqsas ádisterdi qoldanýǵa shaqyrady.
Aıta keteıik, Tesla elektromobıl naryǵynyń kóshbasshysy ataǵyn joǵaltty. Al BYD tórtinshi toqsanda kalıfornııalyq kompanııadan asyp tústi.
Basylym habarlaǵandaı, Qytaı óndirýshileri Eýropa naryǵynda qalaı dempıng jasaı alatynyn anyqtaý úshin Eýrokomıssııa tekserýdi bastady. Kólik quny memlekettik sýbsıdııalar arqasynda tómendegeni rastalsa, Eýroodaq aspan asty eliniń brendterin jetkizýdi jasandy túrde shekteýi múmkin.
AVTOVAZ basshysy Maksım Sokolov ta Qytaı óndirýshileriniń Reseı naryǵyn belsendi túrde jaýlap alýyn agressııa dep atady. 2023 jyldyń qorytyndysy boıynsha avtomobıl eksportysalasynda Qytaı álemdik kóshbasshyǵa aınaldy.
