QR Premer-ministrınıŋ bırınşı orynbasary Nūrlybek Nälıbaev Ükımet basşysynyŋ tapsyrmasymen Qyzylorda oblysyna jūmys saparmen keldı.
Aldymen Prezident saiabaǧy aumaǧynda boi kötergen toǧyz qabatty 15 tūrǧyn üidıŋ qūrylys barysymen tanysty.
Jalpy qūny 22 mlrd teŋge bolatyn joba respublikalyq biudjet esebınen qarjylandyrylǧan. Bas merdıger «Meliorator» serıktestıgı 8,2 gektar aumaqqa zamanaui ülgıdegı 15 tūrǧyn üi keşenın saldy. Joba boiynşa 945 päter paidalanuǧa berıledı. Onyŋ 135-ı bır bölmelı, 540-y ekı bölmelı jäne 270-ı üş bölmelı. Keşen qazan aiynda tabystalady.
Būdan keiın Nūrlybek Maşbekūly oblys ortalyǧynda 20 mlrd. 61 mln teŋgege salynyp jatqan «Qyzylorda Arena» köpfunksionaldy sport keşenınıŋ qūrylysyn kördı. Jalpy aumaǧy 26 myŋ şarşy metr bolatyn keşen qūrylysy 2025 jyly şıldede bastalǧan bolatyn. Mūnda 50 metrlık jüzu basseinı, halyqaralyq dodalardy ötkızuge arnalǧan 2500 oryndyq zal, forumdar men türlı jiyndarǧa arnalǧan 300 oryndyq konferensiia zaly qarastyrylǧan.
Qazır mūnda ärleu, metall konstruksiialaryn ornatu, terezeler men vitrajdardy montajdau, injenerlık jäne elektr jelılerın jürgızu, sondai-aq aumaqty abattandyru jūmystary qarqyn alǧan.
Ǧimarattyŋ qasbetı zamanaui säulet ülgısımen bezendırılıp, vitrajy berık şynymen qaptalady. Keşen paidalanuǧa berılgennen keiın oqu-jattyǧu jiyndaryn ötkızuge tolyq beiımdeledı. Nysandy biyl paidalanuǧa beru josparlanǧan.
Qūrylys barysymen tanysqan Premer-ministrdıŋ bırınşı orynbasary jauapty sala mamandaryna barlyq jūmysty sapaly atqaryp, belgılengen merzımde aiaqtaudy, qūrylys sapasyn tūraqty baqylauda ūstaudy tapsyrdy.
