Jurnalist, piar mamany Erbol Azanbek Prezident Toqaevtyŋ prezidenttıgı kezeŋınde eldıŋ ūzaqmerzımdı damuyna yqpal etetın eŋ maŋyzdy reformalar kölık-logistika jäne qarjy-bank jüiesınde jürgızılgenı turaly aitty, dep habarlaidy "Adyrna".
Onyŋ aituynşa, pandemiia, jahandyq infliasiia jäne geosaiasi tūraqsyzdyq jaǧdaiynda Qazaqstan kölık infraqūrylymyn jaŋǧyrtuǧa basymdyq berdı. Soŋǧy jyldary Dostyq – Moiynty, Baqty – Aiagöz, Darbaza – Maqtaaral temırjol jobalary ıske qosylyp, Almatyny ainalyp ötetın temırjol jelısınıŋ qūrylysy qolǧa alyndy. Sonymen qatar 125 temırjol vokzalyn jaŋǧyrtu, halyqaralyq avtodälızderdı keŋeitu, şekaradaǧy ötkızu beketterın jaŋartu jäne jük tasymalyn sifrlandyru jūmystary jürgızılıp jatyr.
Media mamannyŋ pıkırınşe, erekşe nazar Transkaspii halyqaralyq kölık baǧytyn (Orta dälız) damytuǧa audarylǧan. Nätijesınde 2024 jyly būl baǧyt arqyly tasymaldanǧan jük kölemı 62 paiyzǧa artyp, 4,5 million tonnaǧa jetken. Sondai-aq Aqtau jäne Qūryq porttaryn keŋeitu, konteinerlık terminaldar salu jäne multimodaldy tasymaldy damytu jūmystary jalǧasuda.
Erbol Azanbek qarjy jäne bank jüiesınde de soŋǧy jyldary jüielı reformalar jürgızılgenın atap öttı. Onyŋ aituynşa, «Qazaqstan Respublikasyndaǧy bankter jäne bank qyzmetı turaly» jaŋa zaŋ qabyldanyp, bazalyq jäne ämbebap banktık lisenziialar engızıldı. Sonymen qatar korporativtık basqaru talaptary küşeitılıp, halyqaralyq bank qadaǧalau standarttary engızıldı, islamdyq qarjylandyrudy damytuǧa jäne sifrlyq qarjy aktivterın qūqyqtyq retteuge mümkındık jasaldy.
Sonymen qatar, kredittık alaiaqtyqtyŋ aldyn alu tetıkterı küşeitılıp, biometriialyq säikestendıru keŋeitıldı, azamattardyŋ qūqyqtaryn qorǧauǧa baǧyttalǧan jaŋa normalar qabyldandy. Būdan bölek, sottan tys bankrottyq räsımderı jeŋıldetılıp, qaryzdardy qaita qūrylymdau mümkındıkterı keŋeitıldı.
Ol sifrlyq qarjy jüiesınıŋ qarqyndy damuyna da toqtaldy. Soŋǧy jyldary Qazaqstanda mobildı tölemder, QR arqyly tölem jasau, onlain nesie beru, sifrlyq memlekettık qyzmetter men bankterdıŋ sifrlyq ekojüielerı keŋınen damyǧan. Sonymen bırge Bıryŋǧai QR jüiesı ıske qosylyp, sifrlyq teŋge ainalymǧa engızılgen.
Erbol Azanbektıŋ pıkırınşe, soŋǧy bes-jetı jylda jüzege asqan reformalar Qazaqstannyŋ kölık-logistika jäne qarjy salalarynyŋ damuyna jaŋa serpın berdı.
