Memleket basşysy Qasym-Jomart Toqaev Mihail Şaidorovty Qysqy Olimpiada oiyndarynyŋ chempiony atanuymen qūttyqtady, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Prezident sportşynyŋ otandyq sport tarihynda mänerlep syrǧanaudan tūŋǧyş ret altyn medal jeŋıp aluyn tarihi maŋyzy zor jetıstık retınde baǧalady.
Memleket basşysy Mihail Şaidorovqa joǧary şeberlıgı men jeŋıske degen jıgerı üşın alǧys bıldırdı. Sondai-aq, sport janküierlerı men el azamattarynyŋ būl jetıstıktı maqtan tūtatynyn atap öttı.
Prezident şeşımımen Mihail Şaidorov II därejelı «Barys» ordenımen marapattalady. Sonymen qatar jattyqtyruşylarǧa jäne tiıstı ministrlıkke atqarǧan jūmysy üşın rizaşylyq bıldırıldı.
Aita keteiık, Mihail Şaidorov 2026 jylǧy qysqy Olimpiada oiyndary chempiony atandy. Osy jetıstık nätijesınde Qazaqstan Änūrany qysqy Olimpiada törınde 32 jyldan keiın qaita şyrqaldy.
