Memleket basşysy Mars kompaniiasynyŋ bas atqaruşy direktory Pol Vairauhty qabyldady, dep habarlaidy "Adyrna" ūlttyq portaly.
Kezdesu barysynda Qazaqstanda jaŋa öndırıstık jobany ıske asyru mäselesı talqylandy.
Prezident Qazaqstannyŋ auyl şaruaşylyǧy ministrlıgı men Mars kompaniiasy arasynda jalpy qūny şamamen 180 million dollar bolatyn investisiialyq kelısım jasalǧanyn atap öttı. Onyŋ aituynşa, būl kelısım Qazaqstan men AQŞ arasyndaǧy strategiialyq serıktestıktıŋ jaŋa kezeŋın bıldıredı.
Joba aiasynda Alatau qalasynda üi januarlaryna arnalǧan azyq öndıretın zamanaui zauyt salu josparlanyp otyr. Jaŋa öndırıs orny agroönerkäsıp salasyndaǧy şikızatty tereŋ öŋdeuge mümkındık berıp, qosylǧan qūny joǧary önım şyǧaruǧa jol aşady.
Öz kezegınde Pol Vairauh memleket basşysyna körsetılgen qoldau üşın alǧys bıldırdı. Onyŋ sözınşe, būl joba kompaniianyŋ öndırıstık äleuetın keŋeitıp, Ortalyq Aziia men körşıles naryqtarǧa önım jetkızu kölemın arttyruǧa yqpal etedı.
