Astanada äleumettık jelıde äskerde zorlyq-zombylyq körgenı turaly jalǧan aqparat taratyp, azamattardan aqşa jinaǧan 23 jastaǧy tūrǧyn üş jylǧa bas bostandyǧynan aiyryldy, dep habarlaidy "Adyrna" tılşısı.
Tergeu mälımetınşe, ol biyl aqpan aiynda anonimdı jazba jariialap, şetelge ketu üşın qarjylai kömek qajet ekenın aityp, bank rekvizitterın körsetken. Alaida jelı qoldanuşylarynyŋ bırı qūqyq qorǧau organdaryna şaǧymdanǧannan keiın jürgızılgen tekserıs barysynda onyŋ äskerde mülde qyzmet etpegenı jäne jariialaǧan mälımetterınıŋ şyndyqqa säikes kelmeitını anyqtalǧan.
Sondai-aq küdıktınıŋ aqşa jinau üşın būl jaǧdaidan habarsyz 17 jastaǧy tanysynyŋ banktık şotyn paidalanǧany belgılı boldy. Ekı kün ışınde körsetılgen esepşotqa 15-ten astam aqşa audarymy tüsken.
Tergeu barysynda aiyptaluşy qarjylai paida tabu maqsatynda jalǧan aqparat taratqanyn tolyq moiyndaǧan.
Sot ony alaiaqtyq jäne körıneu jalǧan aqparat taratu baptary boiynşa kınälı dep tanyp, üş jylǧa bas bostandyǧynan aiyru jazasyn taǧaiyndady.
Polisiia azamattardy äleumettık jelılerdegı tekserılmegen aqparatqa senbeuge jäne beitanys adamdardyŋ esepşotyna aqşa audarmauǧa şaqyrdy.
