AQŞ memlekettık hatşysy Entoni Blinkennıŋ Qazaq elıne at basyn būruyna qatysty şeteldık būqaralyq aqparat qūraldary jarysa jazyp jatyr. "France24" aqparat agenttıgınıŋ jazuynşa, Entoni Blinken AQŞ-tyŋ rölın arttyruǧa baǧyttalǧan arnaiy saparmen Qazaqstanǧa kelgen. Sebebı, Reseidıŋ Ukrainaǧa basyp kıruı Qazaqstanda da saiasi alaŋdauşylyq tudyrǧan, dep jazdy "Adyrna" ūlttyq portaly "France24"- ke sılteme körsete otyryp.
Agenttıktıŋ habarlauynşa, AQŞ-tyŋ joǧary därejelı diplomatyn Qazaq elınıŋ şeneunıkterı qaqaǧan qystyŋ qara suyǧynda qarsy alǧan. Diplomat Astanada Prezident Qasym-Jomart Toqaevpen kezdesıp, keiın Özbekstanǧa ūşady.
Sonymen qatar, Blinken Astanada Qyrǧyzstan, Täjıkstan jäne Türıkmenstan kıretın Ortalyq Aziiadaǧy barlyq bes respublikanyŋ Syrtqy ıster ministrlerımen kezdesudı josparlap otyr.
Osy oraida şeteldık būqaralyq aqparat arnasy Resei men Orta Aziianyŋ qazırgı saiasi bailanysyn ındete jazady.
"Ortalyq Aziia elderı Reseimen qauıpsızdık jäne ekonomika salasynda būrynnan bailanysta, bıraq oldardyŋ būrynǧy keŋestık Belarus Respublikasynan aiyrmaşylyǧy bar. Basty aiyrmaşylyǧy - Orta Aziia memleketterınıŋ soǧys kezınde Mäskeudıŋ ainalasyna toptanbauy. Ortalyq Aziianyŋ barlyq bes memleketı ötken aptada Resei bilıgınıŋ Ukrainadan ketuın talap etken BŪŪ Bas Assambleiasynyŋ otyrysynda dauys beruden qalys qaldy nemese dauys beruden qaşty" - dep jazdy aqparat arnasy.Sonymen qatar, aǧylşyn tıldı auditoriiaǧa Orta Aziiadaǧy orystardyŋ qysym körıp jatqany turaly jalǧan jeleu de belgılı bolyp şyqty. Putinnıŋ ämbege aian sūrqai saiasaty jaily olar:
"Prezident Vladimir Putinnıŋ Ukrainadaǧy orys tıldılerge degen qarym-qatynasty jalǧan aiyptap, soǧys örtın tudyruǧa degen syltaulary orys diasporasy tūratyn Ortalyq Aziia elderınıŋ de jüikesın tozdyrdy", - deidı basylym būl jaiynda.Basylymnyŋ jazuynşa, Orta Aziia - AQŞ, Qytai, Resei arasynda talasqa tüsetın basty aimaq. Basylym Qazaq elınıŋ diplomatiialyq saiasatyn da baǧamdaǧan:
"Qūrlyqta Reseimen eŋ ūzyn qūrlyq şekarasy bar memleket - Qazaqstan. Qazaqstan jaqynda äskeri qyzmetten qaşqan reseilıkterdı qarsy alyp, halyqaralyq qūqyq zaŋdylyqtaryn saqtady. Soǧysty diplomatiialyq baǧytta retteuge şaqyrdy. Jaqynda Toqaev Ukraina prezidentı Vladimir Zelenskiimen telefon arqyly söilestı, degenmen Putinge de bardy", - dep jazady baiqampaz basylym.Sondai aq;
Amerika Qūrama Ştattary özınıŋ eŋ maŋyzdy ärı küştı qarsylasy retınde qarastyratyn Qytaidyŋ saiasatyna toitarys berudı közdeidı. Soǧan sai Qytaimen şekaralas aimaqtarda öz yqpaldy keŋeituge tyrysady. Prezident Si Szinpin ötken jyly Covid-19 pandemiiasynan keiıngı şetelge şyqqan alǧaşqy sapary üşın Qazaqstan men Özbekstandy taŋdaǧan edı - dep tüiının aitady.Oraiy kelgende aita keteiık, AQŞ Memlekettık hatşysy Entoni Blinken Qazaqstanǧa alǧaş ret resmi saparmen keldı. Astanada ony Toqaev qabyldap, Premer-Ministrdıŋ orynbasary – QR Syrtqy ıster ministrı Mūhtar Tıleuberdı kelıssözder jürgızedı. Sondai-aq, Astanada Blinkennıŋ qatysuymen S5 + 1 formatynda Ortalyq Aziia elderı men AQŞ syrtqy saiasi vedomstvolary basşylarynyŋ ministrlık kezdesuı ötedı. Ortalyq Aziiadan keiın Blinkennıŋ sapary Niu-Delide jalǧasady.
"Adyrna" ūlttyq portaly
Ūqsas jaŋalyqtar
