Astanada bala kútýshisi eki jasar balany óltirdi, dep habarlaıdy "Adyrna" ulttyq portaly.
Qaıǵyly oqıǵa 20 maýsymda bolǵan. Áleýmettik jelidegi beıresmı derekke súıensek, Astanada bala kútýshisi kishkentaı balany býyndyryp óltirgen. Onyń denesin anasy taýyp alǵan.
Bul derekti Astana qalalyq polıııa departamenti rastady.
24 jastaǵy áıel balasymen elordadaǵy Máskeý kóshesindegi jaldamaly páterde turǵan. Balanyń denesinen tunshyqtyrý izderi baıqalǵan. Kúdikti retinde 38 jastaǵy bala kútýshisi ustaldy.
Qylmystyq kodekstiń 106-baby 3-bóligi «Densaýlyqqa qasaqana aýyr zııan keltirý arqyly óltirip alý» boıynsha is qozǵaldy.
Áıeldiń áreketi dáleldense kútýshi 8 jyldan 12 jylǵa deıin bas bostandyǵynan aıyrylýy múmkin.
