Ūlytau oblysynyŋ äkımı Eset Baiken Jezqazǧan qalasyndaǧy bırqatar äleumettık jäne infraqūrylymdyq nysandardy aralap, jüzege asyrylyp jatqan jobalardyŋ barysymen tanysty.
Jūmys sapary barysynda öŋır basşysy aldymen şaruaşylyq-auyz suyn tazartu ortalyǧyna baryp, Jezqazǧan qalasyn sapaly auyz sumen qamtamasyz etuge baǧyttalǧan maŋyzdy jobanyŋ ıske asyrylu barysyn baqylady.
Odan keiın oblys äkımı Jylu elektr ortalyǧynda bolyp, aldaǧy jylytu mausymyna daiyndyq jūmystaryn tekserdı. Jauapty tūlǧalarǧa barlyq daiyndyq şaralaryn 1 qyrküiekke deiın tolyq aiaqtaudy tapsyrdy.
Sapar aiasynda oblys äkımı Eset Baiken Abai köşesınde jürgızılıp jatqan su qūbyrlaryn jaŋǧyrtu jūmystarymen de tanysty. Öŋır basşysy qūrylys kezınde tūrǧyndardyŋ üzdıksız sumen qamtamasyz etıluıne erekşe nazar audarudy mındettedı.
Sondai-aq oblys äkımı oblystyq köpbeiındı auruhanada jürgızılıp jatqan kürdelı jöndeu jūmystarynyŋ barysyn baqylap, jöndeu jūmystarynyŋ sapaly oryndaluy men medisinalyq mekemenıŋ qalypty qyzmetıne kedergı keltırmei, belgılengen merzımde aiaqtaluyn qataŋ baqylauda ūstaitynyn aitty.
Öŋır basşysy Jezqazǧan qalasyndaǧy №8 mektep-gimnaziiada jürgızılıp jatqan kürdelı jöndeu jūmystaryn tekserdı. Ol merdıger ūiymdarǧa barlyq jūmysty 15 tamyzǧa deiın aiaqtap, bılım beru ūiymynyŋ jaŋa oqu jylyna tolyq daiyn boluyn qamtamasyz etudı tapsyrdy.
Aralau qorytyndysynda oblys äkımı Jezqazǧannyŋ säulettık kelbetın jaŋǧyrtu, äleumettık jäne qyzmet körsetu infraqūrylymyn damytu, zamanaui oiyn-sauyq jäne demalys oryndaryn köbeitu, investisiialyq äleuettı arttyru, sondai-aq abattandyru jūmystaryn jüielı türde jalǧastyru baǧytynda jiyn ötkızıp, tiıstı tapsyrmalar jüktedı.
