17-18 jeltoqsan kúnderi "Qazaqmys korporaııasy" JShS-niń "Jezqazǵantústimet" óndiristik birlestiginiń birneshe shahtasynda jumysshylar jalaqyny kóterýdi talap etip, jumysyn toqtatty. Ereýilge qatysýshylar bastapqyda jalaqyny 30%-ǵa kóterýdi surasa, keıin bul talapty 100%-ǵa deıin arttyrǵan. Mınıstrlik jumysshylardyń bul áreketin "eńbek zańnamasyn buzý" dep baǵalady, dep habarlaıdy "Adyrna" ulttyq portaly.
"Qazaqmys" basshylyǵy jumysshylarǵa jalaqyny kóterýdiń eki nusqasyn usynǵan.
“Jalaqyǵa keler bolsaq, jumys berýshi 2025 jyldyń 1 qańtarynan bastap kóterýdiń eki nusqasyn usyndy. Birinshisi, 8,5%-ǵa ındeksteý jáne óndiristik jospardy oryndaǵany úshin 50 AEK mólsherinde qosymsha tórt toqsandyq syılyqaqy (2025 jyly – toqsan saıyn 196 myń teńge) beriledi. Ekinshisi, jalaqyny 15,6%-ǵa ındeksteý”, – dep málimdedi “Qazaqmys”.
Degenmen, bul usynystar ereýilge shyqqan jumysshylardy qanaǵattandyrmady.
Eńbek jáne halyqty áleýmettik qorǵaý mınıstrliginiń málimdeýinshe, jumysshylar talaptaryn zańda kórsetilgen tártippen jumys berýshige resmı túrde usynbaǵan jáne máseleni tatýlastyrý komıssııasynda qaramastan óndiristik proesti toqtatqan. Mınıstrlik bul jaǵdaı eńbek zańnamasyn buzý dep baǵalady.
"Qazaqmys" kompanııasy ereýilge shyqqan jumysshylardy jumysty qaıta jalǵastyrýǵa jáne máseleni quqyqtyq tártipte sheshýge shaqyrdy. Sonymen qatar, zańnamany saqtamaý tártiptik jaýapkershilikke ákep soǵatynyn eskertti. Jumysshylar talaptary oryndalmaıynsha narazylyqtaryn jalǵastyratynyn málimdedi. Olar jalaqyny eki esege arttyrýdy talap etip otyr.
Eńbek jáne halyqty áleýmettik qorǵaý mınıstrligi taraptardy tatýlastyrý rásimderin tek quqyqtyq sheńberde júrgizýge shaqyrdy. Mınıstrlik jumysshylarǵa talaptaryn belgilengen tártip boıynsha talqylaýdy usyndy.
