Qazaqstan Respublikasynyŋ Prezidentı janyndaǧy Qazaqstannyŋ strategiialyq zertteuler instituty biyl 11 şılde men 12 tamyz aralyǧynda halyq arasynda saualnama jürgızdı. Irıkteu jiyntyǧynyŋ kölemı – 8 000 respondent. Saualnamaǧa elımızdıŋ 17 oblysynan jäne respublikalyq maŋyzy bar – Astana, Almaty, Şymkent qalalarynan 18 jastan asqan azamattar qatysty.
Äleumettanulyq zertteu derekterıne säikes, azamattardyŋ 75,9%-y bügıngı taŋda eldıŋ dūrys baǧytta damyp kele jatqanyn atap ötken.
Eŋ joǧary äleumettık optimizm deŋgeiı 18–29 jas aralyǧyndaǧy jastarǧa tän (84,6%). Jas şamasy ösken saiyn eldıŋ bolaşaǧyna qatysty optimizm bırşama tömendegenımen, jetkılıktı joǧary deŋgeide saqtalady (61 jastan joǧary respondentter arasynda – 70,6%). El damuynyŋ qazırgı baǧytyn qala tūrǧyndaryna (73,8%) qaraǧanda auyl tūrǧyndary (79,3%) anaǧūrlym dūrys dep sanaidy.
Eldıŋ dūrys baǧytta damyp kele jatqanyn qoldaǧan respondentterdıŋ basym bölıgı qazırdıŋ özınde naqty jüzege asyrylyp jatqan bırqatar maŋyzdy reformalardy atap öttı. Olardyŋ ışınde bırneşe topty bölıp körsetuge bolady.
Äleumettık bastamalar:
— Auyldyq jäne qalalyq mektepterdı salu men jaŋartu – 38,2%;
— «Ūlttyq qor – balalarǧa» baǧdarlamasyn ıske asyru – 29,5%;
— BJZQ-dan qarajattyŋ bır bölıgın şeşıp alu mümkındıgı – 20,1%.
Ekonomikalyq reformalar:
- Avtomagistralderdı, vokzaldar men äuejailardy salu jäne jöndeu – 18,4%;
- Auyl şaruaşylyǧyn damytu – 13,6%;
- Şaǧyn jäne orta biznestı qoldau – 10,3%;
- Otandyq tauar öndırısınıŋ artuy – 9,7%.
«Zaŋ jäne tärtıp» qaǧidatyn jäne «Taza Qazaqstan» jalpyūlttyq aksiiasyn jüzege asyru:
- Tūrmystyq zorlyq-zombylyqpen küres – 32,6%;
- Eldı mekenderdı tazalau jäne abattandyru, vandalizm men mädenietsızdıkke qarsy şaralar – 14,7%;
- Elden zaŋsyz şyǧarylǧan aktivter men kapitaldy qaitaru – 5,8%.
Eldı sifrlandyru:
- Memlekettık qyzmetterdıŋ sifrlyq formatta damuy – 30,7%;
- Otbasynyŋ sifrlyq kartasyn, äleumettık ämiiandy engızu – 16,1%.
Būl saualnama nätijelerı azamattardyŋ ömırınıŋ türlı salalarynda naqty özgerısterdı baiqap otyrǧanyn körsetedı. Būl öz kezegınde jürgızılıp jatqan reformalardyŋ alǧaşqy nätijesın berıp, memlekettık saiasatqa degen qoǧamdyq senımdı nyǧaityp, bolaşaqqa qatysty optimizmdı arttyrǧanyn aŋǧartady.
Ekonomikalyq reformalar men äleumettık bastamalardyŋ tiımdı jüzege asyryluy el basşylyǧyna degen qoǧamdyq senım deŋgeiınen körınıs tabuda. Äleumettanulyq zertteu derekterıne säikes, Prezident reitingtıŋ aldyŋǧy qatarynda tūr – saualnamaǧa qatysqandardyŋ 82,4%-y oǧan senım bıldırgen.
Sonymen qatar, eldegı oŋ özgerıster patriottyq köŋıl-küidıŋ artuyna tıkelei yqpal etude. Saualnamaǧa qatysqan respondentterdıŋ basym köpşılıgı Qazaqstanmen jäne öz azamattyǧymen maqtanatynyn atap öttı – 89,9% («öte maqtanamyn» – 49,1% jäne «maqtanamyn» – 40,8%).
Eldıŋ bolaşaq damuy tūrǧysynan respondentter Qazaqstannyŋ aimaqtyq qana emes, jahandyq deŋgeide de köşbasşy bola alatyn bırqatar salalaryn aiqyndady. Respondentterdıŋ pıkırınşe, eldıŋ eŋ perspektivaly TOP-5 damu baǧyty mynadai:
- Agroönerkäsıptık sektor – 38,9%.
- Sifrlandyru jäne jasandy intellekt – 30,6%.
- Energetika – 25,3%.
- Kölık jäne tranzit – 17,5%.
- Adami kapitaldy damytu – 13,1%.
Respondentterdıŋ pıkırınşe, qazırgı kezeŋde osy bes strategiialyq maŋyzdy baǧyttyŋ damuy elımızdı älemdık deŋgeidegı jetekşı oryndarǧa şyǧaryp, tūraqty ekonomikalyq ösım men tehnologiialyq ılgerıleudı qamtamasyz ete alady.
Jalpy alǧanda, äleumettanulyq saualnama nätijelerı bügıngı taŋda qazaqstandyq qoǧam eldegı oŋ özgerısterdı aiqyn baiqap otyrǧanyn körsetedı. Azamattar jürgızılıp jatqan reformalardyŋ naqty nätijelerın öz ömırlerınen sezınude. Būl öz kezegınde halyqtyŋ memlekettık saiasatqa degen senımın küşeitıp, eldıŋ bolaşaǧyna qatysty optimizmdı arttyrady.
