Prezıdentikke úmitker Meıram Qajyken Qasym-Jomart Toqaevty jeńisimen quttyqtap, "Yntymaq" saıası partııasyn qurýǵa nıetti ekenin málimdedi. Bul týraly "Adyrna" ulttyq portaly jazady.
«Qazaqstan óz tańdaýyn jasady.Prezıdent senim nesıesin ǵana emes, sondaı-aq Qazaqstannyń bolashaǵy úshin úlken jaýapkershilikti de aldy. Maǵan daýys bergenderdiń bárine alǵysymdy bildirgim keledi. Meni prezıdenttikke kandıdat etip usynǵan «Amanat» respýblıkalyq birlestigine erekshe alǵys aıtamyn. Maǵan, baǵdarlamama sengen jumysshylarǵa, stýdentterge, zeınetkerlerge myń alǵysymdy bildiremin. Meniń baǵdarlamam ózekti bolyp qala beredi jáne ony jalǵastyramyn. Osy oraıda "Yntymaq" saıası partııasyn qurýǵa nıettesterim kómektesedi. Mende óz tańdaýymdy jasadym. Saıasatta qalamyn», - dedi ol «Habar 24» telearnasynyń efırinde.
"Adyrna" ulttyq portaly
