Bügın «Dostyq üiınde» oblys äkımı Mūrat Ergeşbaev, ziialy qauym ökılderı, öŋırdegı ükımettık emes ūiymdar jetekşılerı, basqarma jäne departament basşylary, jastar ūiymdary, azamattyq qoǧam belsendılerınıŋ qatysuymen «Konstitusiia – azamattyq qoǧamdy damytudyŋ qūqyqtyq ırgetasy» taqyrybynda oblystyq azamattyq forum öttı.
Forumda jaŋa Konstitusiia aiasynda azamattyq qoǧam instituttarynyŋ rölın arttyru, memleket pen qoǧam arasyndaǧy syndarly ärıptestıktı nyǧaitu jäne qoǧamdyq dialog mädenietın damytu mäselelerı talqylandy.
«Halyqty ortaq maqsatqa jūmyldyryp, ükımettık emes ūiymdardy qoǧamdyq maŋyzy bar bastamalarǧa keŋınen tartu – memlekettık basqarudyŋ tiımdılıgın arttyratyn ärı qoǧam men bilık arasyndaǧy özara senımdı nyǧaitatyn ozyq täjıribe.
Prezidentımız Qasym-Jomart Kemelūly halyqqa arnaǧan Joldauynda: «Azamattyq qoǧamǧa qoldau körsetıp, onyŋ äleuetın nyǧaita tüsu kerek. Sondai-aq, asa maŋyzdy jalpy memlekettık mındetterdı şeşu üşın talqylau jūmystaryna azamattyq qoǧamnyŋ mümkındıkterın keŋınen qoldanu qajet» dep atap ötken bolatyn.
Öŋırımızdegı azamattyq qoǧam instituttary memlekettık bastamalardy ıske asyruǧa belsendı atsalysyp, halyqtyŋ müddesın qorǧauǧa, özektı äleumettık mäselelerdı şeşuge naqty üles qosyp keledı», – dedı Mūrat Nälqojaūly.
Aimaqta myŋǧa juyq qoǧamdyq ūiym tırkelgen, 2023-2026 jyldary memlekettık äleumettık tapsyrys aiasynda 555 äleumettık joba jüzege asty. Oblystyq, audandyq äkımdıkter janyndaǧy keŋester men komissiialar qūramynda 200-den astam ükımettık emes ūiym ökılı bar.
Forumda «Samūryq» innovasiialyq ideialardy damytu ortalyǧy» qoǧamdyq qorynyŋ direktory Jandos Tūsmaǧambetov, «Aq bosaǧa» äielder qoǧamdyq bırlestıgınıŋ töraǧasy Zeinar Täjieva, «El-Arai» qoǧamdyq qorynyŋ töraǧasy Ashat Baidäuletov jäne «Jas tolqyn» erıktıler jasaǧynyŋ jetekşısı Änuar Toqtamysov baiandama jasap, ükımettık emes ūiymdardyŋ äleuetın arttyruǧa qatysty ūsynystaryn ortaǧa saldy.
Sondai-aq azamattyq qoǧamnyŋ damuyna eleulı üles qosqan azamattarǧa Konstitusiianyŋ jaŋa redaksiiadaǧy arnaiy basylymy tabystaldy. Öŋırdegı belsendı ükımettık emes ūiymdardyŋ jetekşılerı oblys äkımınıŋ Alǧys hatymen jäne arnaiy qarjylai syiaqy sertifikatymen marapattaldy.
