Memlekettık keŋesşı Erlan Qarin «Ädılettı jäne Progressivtı Qazaqstannyŋ Halyqtyq Konstitusiiasy üşın!» Jalpyūlttyq koalisiiasynyŋ müşelerımen bırge Abai oblysyna baryp, öŋır jūrtşylyǧymen bırqatar kezdesu ötkızdı.
Memlekettık keŋesşımen bırge öŋırge Jalpyūlttyq koalisiia müşelerı – Mäjılıs deputattary Nūrtai Sabilianov, Erlan Sairov, Nartai Särsenǧaliev, Oqu-aǧartu ministrı Jūldyz Süleimenova, aqyn Mūhtar Niiazov, QR Prezidentı janyndaǧy Jastar saiasaty jönındegı keŋestıŋ müşesı Oljas Süleimen jäne özge de azamattar bardy.
Sapar aiasyndaǧy negızgı ıs-şara – Abai atyndaǧy oblystyq kıtaphanada ötken öŋır aktivımen kezdesu. Talqylau jūmysyna 500-ge juyq adam – mäslihat deputattary, qoǧamdyq keŋes müşelerı, saiasi partiialardyŋ, Qazaqstan halqy Assambleiasynyŋ, ardagerler ūiymdarynyŋ, biznes, bılım beru, densaulyq saqtau, sport salalarynyŋ, ǧylymi jäne jastar qauymynyŋ ökılderı qatysty.
Dialogtyŋ özegı – Jaŋa Konstitusiia jobasynyŋ erejelerı men aldaǧy 15 nauryzda ötetın respublikalyq referendumnyŋ maŋyzy.
Memlekettık keŋesşı Erlan Qarin jobany äzırleu jūmysy aşyqtyq jäne keŋ qoǧamdyq qatysu qaǧidatyna negızdelgenın, e-Otinish jäne eGov sifrlyq platformalary arqyly azamattardan kelıp tüsken ūsynystar eskerılgenın atap öttı. Onyŋ aituynşa, ūsynylyp otyrǧan özgerıster memlekettık basqaru jüiesınıŋ tūraqtylyǧyn nyǧaituǧa, bilık instituttarynyŋ ökılettıgı men jauapkerşılıgı arasyndaǧy teŋgerımdı küşeituge, sondai-aq adam kapitalyn, bılım men ǧylymdy jäne innovasiiany memlekettıŋ strategiialyq basymdyqtary retınde damytuǧa baǧyttaldy.
«Jaŋa Konstitusiiadaǧy negızgı tūjyrymdamalyq erejelerdıŋ basym bölıgı tıkelei Qasym-Jomart Kemelūlynyŋ bastamasymen ūsynyldy. Mäselen, jaŋa preambula Prezidenttıŋ tūjyrymdamalyq tezisterı negızınde äzırlendı. Memleket basşysy – azamattarymyzdyŋ müddesın qorǧauǧa baǧyttalǧan bırqatar norma men jaŋaşyl bastamanyŋ avtory», – dedı Erlan Qarin.
Mäjılıs deputaty Nūrtai Sabilianov menşık nysandarynyŋ barlyq türın qorǧau, ūlttyq zaŋnamanyŋ basymdyǧy men ūlttyq valiutanyŋ rölın bekıtu syndy ekonomikalyq kepıldıkter küşeitılgenın atap öttı. Būl biznes pen investisiialar üşın tūraqty jaǧdai qalyptastyrady.
Oqu-aǧartu ministrı Jūldyz Süleimenova bılım, ǧylym jäne innovasiiany damytu mäselesı strategiialyq basymdyq deŋgeiınde bekıtılgenın, būl adam kapitalyn qalyptastyruǧa baǧyttalǧan memlekettık qoldaudy küşeitetının mälımdedı.
Mäjılıs deputaty Erlan Sairov zaŋ şyǧaru bilık tarmaǧy jaŋarǧanyna jäne Qūryltaidyŋ baqylau funksiialary küşeigenıne azar audarsa, oblystyq ardagerler keŋesınıŋ töraǧasy Mūratqazy Alin Jaŋa Konstitusiianyŋ ūlttyq mädeniet pen dästürlı otbasylyq qūndylyqtardy nyǧaitudaǧy maŋyzyn atap öttı.
Sonymen qatar sapar aiasynda öŋırdegı şyǧarmaşylyq ziialy qauym ökılderımen kezdesu öttı.
Talqylau taqyryptary – mädeniettıŋ, tarihi jadynyŋ jäne ūlttyq bıregeilıktıŋ rölı. Erlan Qarin Jaŋa Konstitusiia tek qūqyqtyq qūjat qana emes, qoǧamnyŋ qūndylyq baǧdaryn aiqyndaityn zamanaui qoǧamdyq kelısım retınde qarastyrylatynyn atap öttı. Onyŋ aituynşa, joba negızınde adamǧa baǧdarlanǧan täsıl jatyr. Onda memlekettık saiasattyŋ basty baǧdary – azamattardyŋ qūqyǧy, bostandyǧy men mümkındıkterı.
Qatysuşylar memlekettık qyzmet qaǧidattarynyŋ tızbesınde tarihi-mädeni mūrany saqtau men ūlttyq mädenietke qoldau körsetu normalaryn bekıtuge qoldau bıldırdı.
Sapar barysynda Jalpyūlttyq koalisiia müşelerı käsıpodaq ūiymdarymen, pedagogtar qauymymen, mädeniet salasynyŋ ökılderımen, «SemAZ» JŞS eŋbek ūjymymen jäne öŋır jastarymen de kezdestı. Dialog aiasynda eŋbek adamynyŋ qūqyǧyn qorǧau, äleumettık kepıldıktı qamtamasyz etu, bılım men ǧylymdy damytu, öŋırlerdıŋ ekonomikalyq tūrǧyda damuyna tūraqty jaǧdai jasau jäne jastardyŋ özın tanytu mümkındıkterın keŋeitu mäselelerı talqylandy.
Jalpy, Abai oblysyndaǧy kezdesuler jergılıktı jūrtşylyqtyŋ aldaǧy referendumǧa erekşe nazar audaryp otyrǧanyn jäne Jaŋa Konstitusiia jobasyna joǧary deŋgeide qoldau bıldıretının körsettı. Qatysuşylar atalǧan qūjat qoǧamnyŋ ädıldıkke, tūraqtylyqqa jäne jaŋǧyrtuǧa degen sūranysyn aiqyndaitynyn, äleumettık kepıldıkterdı küşeitıp, eldıŋ qarqyndy damuyna jaǧdai jasaitynyn atap öttı.
