Óz qyzmetin asyra paıdalanǵany úshin jazyqty bolǵan Almatydaǵy ulttyq qaýipsizdik komıtetiniń burynǵy basshysy 6 jylǵa sottaldy. Ol Almaly aýdandyq sotynyń úkimimen bılik jáne laýazymdyq ókilettikterin asyra paıdalanǵany úshin kináli dep tanyldy. Sottyń mundaı úkim shyǵarýyna tikeleı Qańtar oqıǵasynyń qatysy bar, dep habarlaıdy "Adyrna" ulttyq portaly.
Burynǵy ulttyq qaýipsizdik komıteti departamentiniń basshysy M. QR Qylmystyq kodeksiniń 362-baby 4-bólimi boıynsha 10 jylǵa memlekettik qyzmette, jergilikti ózin-ózi basqarý organdarynda, qarjy uıymdarynda laýazymdy qyzmet atqarý quqyǵynan, sondaı-aq UQK general-maıory arnaıy ataǵynan aıyryldy. Sot 6 jylǵa bas bostandyǵyna buǵalyq saldy.
Sot úkimi zańdy kúshine engen joq.
Negizinen alǵanda Almaty UQKD eks-bastyǵy ol bir jyldan astam ýaqyt boıy tergeý ızolıatorynda bolǵan. Ol 2022 jyldyń 5 qańtarynda, Qańtar oqıǵasy kezinde, otbasyn alyp, Almatydan ketip qalǵan. Sonymen qatar, UQKD-nyń barlyq qyzmetkerlerin taratyp, úılerine qaıtýǵa buıryq bergen.
Oraıy kelgende aıta keteıik, keshe Túrksib aýdanynyń sotynda Almaty áýejaıy jelilik polıııa bóliminiń burynǵy bastyǵy Talǵat Tálipovqa qatysty da sot úkimi shyqty.
Ol qańtar oqıǵasy kezinde bılik pen laýazymdyq ókilettiligin asyra paıdalanǵany úshin kináli dep tanyldy. Sot qazysy sottalýshyny 5 jyl merzimge memlekettik qyzmette belgili bir laýazymdardy atqarý quqyǵynan, sondaı-aq 6 jylǵa bas bostandyǵynan aıyrý jazasyn taǵaıyndady. Budan bólek ol polıııa podpolkovnıgi ataǵynan aıyryldy.
"Adyrna" ulttyq portaly
