Öz qyzmetın asyra paidalanǧany üşın jazyqty bolǧan Almatydaǧy ūlttyq qauıpsızdık komitetınıŋ būrynǧy basşysy 6 jylǧa sottaldy. Ol Almaly audandyq sotynyŋ ükımımen bilık jäne lauazymdyq ökılettıkterın asyra paidalanǧany üşın kınälı dep tanyldy. Sottyŋ mūndai ükım şyǧaruyna tıkelei Qaŋtar oqiǧasynyŋ qatysy bar, dep habarlaidy "Adyrna" ūlttyq portaly.
Būrynǧy ūlttyq qauıpsızdık komitetı departamentınıŋ basşysy M. QR Qylmystyq kodeksınıŋ 362-baby 4-bölımı boiynşa 10 jylǧa memlekettık qyzmette, jergılıktı özın-özı basqaru organdarynda, qarjy ūiymdarynda lauazymdy qyzmet atqaru qūqyǧynan, sondai-aq ŪQK general-maiory arnaiy ataǧynan aiyryldy. Sot 6 jylǧa bas bostandyǧyna būǧalyq saldy.
Sot ükımı zaŋdy küşıne engen joq.
Negızınen alǧanda Almaty ŪQKD eks-bastyǧy ol bır jyldan astam uaqyt boiy tergeu izoliatorynda bolǧan. Ol 2022 jyldyŋ 5 qaŋtarynda, Qaŋtar oqiǧasy kezınde, otbasyn alyp, Almatydan ketıp qalǧan. Sonymen qatar, ŪQKD-nyŋ barlyq qyzmetkerlerın taratyp, üilerıne qaituǧa būiryq bergen.
Oraiy kelgende aita keteiık, keşe Türksıb audanynyŋ sotynda Almaty äuejaiy jelılık polisiia bölımınıŋ būrynǧy bastyǧy Talǧat Tälıpovqa qatysty da sot ükımı şyqty.
Ol qaŋtar oqiǧasy kezınde bilık pen lauazymdyq ökılettılıgın asyra paidalanǧany üşın kınälı dep tanyldy. Sot qazysy sottaluşyny 5 jyl merzımge memlekettık qyzmette belgılı bır lauazymdardy atqaru qūqyǧynan, sondai-aq 6 jylǧa bas bostandyǧynan aiyru jazasyn taǧaiyndady. Būdan bölek ol polisiia podpolkovnigı ataǧynan aiyryldy.
"Adyrna" ūlttyq portaly
Ūqsas jaŋalyqtar
