Qazaqstan ūlttyq bedeldıŋ jahandyq indeksınde Ortalyq Aziia elderı arasynda jetekşı orynǧa ie boldy. CEOWORLD derekterıne säikes, Qazaqstannyŋ halyqaralyq imidjı jetkılıktı joǧary deŋgeide baǧalanǧan.
Reitingte Qazaqstan Ortalyq Aziia memleketterı arasynda eŋ üzdık nätije körsetıp, 69-orynǧa jaiǧasty. Al reitingke 197 memleket engen.
Reiting ädıstemesı 10 negızgı baǧyt pen 50 jeke indikatordy taldauǧa negızdelgen. Olardyŋ qatarynda memlekettıŋ ekonomikalyq äleuetı, basqaru jüiesınıŋ tiımdılıgı, ışkı jäne syrtqy saiasat, investisiialyq tartymdylyq, innovasiialar men tehnologiialardyŋ damu deŋgeiı jäne basqa da körsetkışter bar.
Qorytyndy baǧa 0-den 100-ge deiıngı şkala boiynşa bıryŋǧai körsetkışke bırıktırılıp şyǧarylǧan. Mūnda 100 ball — eŋ joǧary nätije.
TMD elderı arasynda Qazaqstan halyqaralyq bedel deŋgeiı boiynşa ekınşı oryn aldy. Eldıŋ qorytyndy körsetkışı 66,62 baldy qūrady.
Reitingte Qazaqstannan keiın TMD elderı arasynda Belarus — 89-oryn (59,27 ball), Armeniia — 93-oryn (57,14 ball), Äzerbaijan — 101-oryn (54,15 ball), Özbekstan — 134-oryn (37,7 ball), Qyrǧyzstan — 145-oryn (34,87 ball) jäne Täjıkstan — 160-oryn (27,92 ball) ielendı.
Reiting köşbasşysy — Singapur boldy.
«Eldıŋ bedelı endı abstraktılı ūǧym emes, — dep atap öttı CEOWORLD redaksiialyq alqasy. — Būl bäsekege qabılettılıkke, yqpalǧa jäne örkendeuge äser etetın ölşenetın ärı strategiialyq faktor».
Zertteu avtorlarynyŋ pıkırınşe, CEOWORLD-tyŋ 2026 jylǧy jahandyq bedel indeksı memleketterdı jai ǧana reitingke qoimai, halyqaralyq yqpal qaǧidattarynyŋ qalai özgerıp jatqanyn da körsetedı.
Qazırgı älemde senım, basqaru sapasy, innovasiialyq damu jäne eldıŋ syrtqy serıktestermen tūraqty qarym-qatynas ornata alu qabıletı barǧan saiyn maŋyzdy bola tüsude. Avtorlardyŋ aituynşa, etika, innovasiia jäne adamǧa baǧdarlanǧan ūstanymdy üilestıre alǧan memleketter bolaşaqty aiqyndaityn bolady.
