Memleket basşysy Qasym-Jomart Toqaev qazaqstandyqtardy Ūlttyq Dombyra künımen qūttyqtady. Būl turaly 5 şıldede Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezidenttıŋ aituynşa, qos ışektı qasiettı aspap ǧasyrlar boiy ūlttyŋ ünıne ainalyp, ūrpaqtar sabaqtastyǧyn saqtauǧa qyzmet etıp keledı.
«Dombyra arqyly tereŋnen tamyr tartqan töl qūndylyqtarymyz jūrt jadynda jaŋǧyryp, törge ozady. Osylaişa, däuırler men ūrpaqtar arasyndaǧy sabaqtastyq saqtalyp keledı.
Şyn mänınde, ūlttyŋ ünı sanalatyn qasiettı aspabymyz quanyşty sätterde de, qiyn kezderde de berekelı bırlıgımızdı nyǧaityp, eldıŋ ruhyn asqaqtatuǧa sebepker boldy. Dombyranyŋ kümbırı azamattarymyzdy jıgerlendıredı, alǧa nyq qadam jasaudy közdegen ruhani baǧyt-baǧdarymyzben ündesedı»,–dedı ol.
Qasym-Jomart Toqaev dombyra qazaq mädenietınıŋ myzǧymas tūǧyry bolyp qala beretının jetkızdı.
«Jahandyq syn-qaterler küşeiıp, dästürlı qūndylyqtar kömeskılengen qazırgıdei almaǧaiyp zamanda Ūly dalanyŋ mol mūrasy, äsırese, qara Dombyramyz töl mädenietımızdıŋ myzǧymas tūǧyry bolyp qala beredı.
Halyqaralyq qauymdastyqqa qazaq dombyrasynyŋ sazdy äuenın tanystyru – bızdıŋ jalpyūlttyq paryzymyz. Asa körnektı aqyn Qadyr Myrza Älınıŋ «Naǧyz qazaq – dombyra» degen tamaşa teŋeuı dombyrany keŋınen därıpteu ısınde temırqazyq ıspettes boluǧa tiıs dep oilaimyn. 1 şıldede, iaǧni Dombyra künı qarsaŋynda memlekettılık jylnamasynyŋ jaŋa paraǧyn aşqan Halyq Konstitusiiasy zaŋdy küşıne endı. Mūnyŋ simvoldyq mänı airyqşa.
Tarihi-mädeni mūrany saqtau, töl mädeniettı qoldau alǧaş ret şyn mänınde Halyq Ata zaŋynyŋ negızgı qaǧidaty retınde aiqyndaldy. Būl ösıp-örkendeuge bet alǧan halqymyzdyŋ bıtım-bolmysyna, maqsat-müddesıne tolyq sai keletını sözsız»,–dedı prezident.
Memleket basşysy dombyraşylarǧa, ūstazdarǧa jäne ūlttyq önerdı elımızde ärı şetelde nasihattap jürgen azamattarǧa alǧys bıldırıp, qazaqtyŋ än-küiı halyqqa şabyt berıp, Ädılettı ärı Quatty Qazaqstandy qūru jolynda jaŋa jetıstıkterge jetelei beretının atap öttı.
Aita keteiık, Qazaqstanda şıldenıŋ bırınşı jeksenbısınde Ūlttyq dombyra künı toilanady.
