Memleket basshysy Qasym-Jomart Toqaev Shrı-Lanka prezıdentine quttyqtaý jedelhatyn joldady. Bul týraly Aqordanyń baspasóz qyzmeti jarııalady, der habarlaıdy “Adyrna” ulttyq portaly.
Qasym-Jomart Toqaev Anýra Kýmara Dıssanaıake men onyń otandastaryn ulttyq meıramy – Táýelsizdik kúnimen quttyqtady.
Prezıdent jedelhatynda Shrı-Lankanyń ornyqty damý jáne halyqaralyq bedelin nyǵaıtý jolynda aıtarlyqtaı tabysqa qol jetkizgenin atap ótti.
«Qazaqstan Shrı-Lankamen qarym-qatynasty odan ári tereńdetýge basa mán beredi. Elderimiz arasyndaǵy dástúrli dostyq pen berik yntymaqtastyq bolashaqta da halyqtarymyzdyń ıgiligi úshin damı túsetinine kámil senemin», – delingen jedelhatta.
Qasym-Jomart Toqaev Anýra Kýmara Dıssanaıakeniń jaýapty qyzmetine tolaǵaı tabys, al Shrı-Lanka halqyna qut-bereke tiledi.
