Jeti jyldyń bir jyly. Prezıdent saılaýyna jyl toldy

1057
Adyrna.kz Telegram
Foto: Aqorda
Foto: Aqorda

Búgin - Prezıdent saılaýyna 1 jyl toldy, dep habarlaıdy “Adyrna” ulttyq portaly.

Byltyr 20 qarashada elimizde kezekten tys prezıdent saılaýy ótip, Qasym-Jomart Toqaev Konstıtýııaǵa engizilgen ózgertýler boıynsha 7 jyldyq bir merzimge saılanǵan bolatyn.

Respýblıkadaǵy búkil saılaýshylardyń 69 paıyzy nemese 8 mln 300 myń 46 adam belsendi qatysyp, óz tańdaýyn jasaǵan edi.

Aıta keteıik, 2022 jyldyń 1 qyrkúıeginde «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn arnaǵan Memleket basshysy Qasym-Jomart Toqaev kezekten tys Prezıdent saılaýyn ótkizýdi usynǵan bolatyn. Keıin sol jyldyń 20 qarashasy saılaý ótti.

Barlyq óńirde 10 033 saılaý ýchaskesi jumys istedi. Al shet memleketterdegi Qazaqstan ókildikteri janynda 68 ýchaske quryldy. Naqtylanǵan saılaýshylar tizimderine saı, jalpy saılaýshylar sany 11 mln 953 myń 465 adamdy qurady.

Onyń 8 mln 300 myń 46 adamy nemese 69,44 paıyzy daýys berýge arnalǵan bıýlletenderdi aldy.

Daýys berý nátıjesinde Qasym-Jomart Toqaevqa 6 mln 456 myń 392 saılaýshy nemese olardyń 81,31 paıyzy, Jıgýlı Daırabaevqa 271 641 nemese 3,42 paıyzy, Qaraqat Ábdenge206 myń nemese 2,6 paıyzy, Meıram Qajykenge 200 907 nemese 2,53 paıyzy, Nurlan Áýesbaevqa 176 116 nemese 2,22 paıyzy jáne Saltanat Tursynbekovaǵa 168 731 nemese 2,12 paıyz daýys berdi.

Bıýlletenge alǵash ret engizilgen «Bárine qarsymyn» baǵanyn 460 484 nemese 5,8 paıyz saılaýshy tańdady.

Daýys berý kúni QR Prezıdenttigine kandıdattardyń 11 myńnan asa senim bildirgen adamdary, sheteldik halyqaralyq uıymdardyń 641 baıqaýshysy, saıası partııalardyń 15,5 myńnan asa baıqaýshysy, qoǵamdyq birlestikterden 30 myńnan asa baıqaýshy saılaýdy baqylaýdy júrgizdi.

Saılaý ýchaskelerinde 1225 qazaqstandyq BAQ ókilderi, 23 eldiń 41 sheteldik BAQ-tyń akkredıttelgen jýrnalısteri aqparat taratty. Olardyń qyzmeti saılaýshylar men saılaý proesine qatysýshylardyń quqyqtaryn qamtamasyz etýge oń yqpal etti.

22 qarashada Ortalyq saılaý komıssııasy Qasym-Jomart Toqaevty Prezıdent retinde tirkedi. Al Qasym-Jomart Kemeluly Prezıdent retinde 26 qarashada ant berdi.

Pikirler