Foto: John McArthur / Unsplash
AQŞ-ta JetBlue äue kompaniiasyna tiesılı Airbus A321 jolauşylar ūşaǧy qonuǧa bet alǧan kezde dronmen soqtyǧysty. Ūşaq Las-Vegastan Niu-Iorkke baǧyt alǧan bolatyn.
Aldyn ala mälımet boiynşa, oqiǧa jergılıktı uaqytpen taŋǧy saǧat 07:15 şamasynda, äue kemesı şamamen 900 metr biıktıkte ūşyp kele jatqan kezde bolǧan. Ekipaj äue qozǧalysyn basqaru qyzmetıne dronnyŋ ūşqyştar kabinasynyŋ üstıŋgı bölıgıne tigenın habarlaǧan.
Soǧan qaramastan ūşqyştar tötenşe jaǧdai jariialamai, reistı ştattyq rejimde jalǧastyrdy. Ūşaq Niu-Iorktegı Djon Kennedi halyqaralyq äuejaiyna aman-esen qonyp, jolauşylar qauıpsız türde tüsırıldı.
Qonǧannan keiın äue kemesı tolyq tehnikalyq tekseruden öttı. Alaida mamandar ūşaqtyŋ syrtqy bölıgınen eşqandai zaqym nemese dronmen soqtyǧysqanyn rastaityn ızderdı anyqtamaǧan.
Oqiǧaǧa bailanysty tergeudı AQŞ-tyŋ Federaldyq aviasiia basqarmasy (FAA) bastady. Vedomstvonyŋ mälımetınşe, eldegı äuejailar maŋynda drondardyŋ zaŋsyz ūşuyna qatysty ai saiyn jüzden astam habarlama tırkeledı.
FAA mūndai äreketter azamattyq aviasiia qauıpsızdıgıne eleulı qater töndıretının atap öttı. Zaŋsyz dron ūşyrǧan tūlǧalarǧa ırı kölemde aiyppūl salynyp, kei jaǧdaida qylmystyq jauapkerşılıkke tartyluy mümkın.
