AQŞ bai şeteldıkterge elde tūruǧa, jūmys ısteuge mümkındık beretın jäne azamattyq aluǧa jol aşatyn "altyn kartalardy" satudy josparlap otyr. Būl turaly el prezidentı Donald Tramp Aq üide ötken baspasöz mäslihatynda mälımdedı, dep habarlaidy "Adyrna" ūlttyq portaly DW-ge sılteme jasap.
Tramptyŋ aituynşa, "altyn kartanyŋ" qūny şamamen 5 million AQŞ dollaryn (şamamen 2,5 million teŋgenı) qūraidy.
"Bız altyn kartany satqaly otyrmyz. Grin-karta bar, al būl – altyn karta. Bız būl kartanyŋ baǧasyn şamamen 5 million dollar dep belgıleimız. Būl sızge grin-karta siiaqty artyqşylyqtar beredı jäne azamattyq aluǧa jol aşady. Bai adamdar bızdıŋ elge osy kartany satyp alu arqyly keletın bolady", – dedı Tramp.
AQŞ-tyŋ sauda ministrı Govard Liutniktıŋ aituynşa, "altyn karta" qazırgı EB-5 investisiialyq viza baǧdarlamasynyŋ ornyn basady.
Tramptyŋ sözınşe, būl kartalardy satu ekı apta ışınde bastaluy mümkın. Ol milliondaǧan karta satylatynyna senımdı.
Reseilık oligarhtarǧa "altyn karta" satyla ma degen sūraqqa Tramp:
"İä, mümkın. Men bırneşe reseilık oligarhtardy bılemın, olar öte jaqsy adamdar", – dep jauap berdı.
Ūqsas jaŋalyqtar
