United Airlines kompanııasynyń Boeing 737 jolaýshylar ushaǵy taǵy da oqys jaǵdaıǵa ushyrady, dep habarlaıdy "Adyrna" tilshisi TimesNow agenttigine siltep.
Jolaýshylar ushaǵy San-Franıskodan ushyp, Oregondaǵy Medford áýejaıyna aman-esen qonǵan. Alaıda ushaqtyń qaptaǵyshy ushyp ketken.
Bortta 139 jolaýshy men alty ekıpaj múshesi bolǵan. Adam shyǵyny bolǵan joq.
"Ushýdan keıingi tekseris paneldiń joq ekenin anyqtaǵan. Tergeý júrgiziledi", – dedi avıaııalyq retteýshi.
Amerıkalyq BAQ áýe kompanııasynyń bul ushaqty paıdalanýdy toqtatqanyn aıtty.
Boeing ushaqtarynda sońǵy kezderi birneshe apattar bolǵan.