«AMANAT» partiiasynyŋ «Jastar Ruhy»jastar qanatynyŋ volonterlerı Ekıbastūz qalasynyŋ jylusyz qalǧan tūrǧyndaryna gumanitarlyq kömektı taratu jūmysyna jūmyldyryldy.
Ekıbastūzda jastar qanatynyŋ volonterler ştaby tūrǧyndarǧa kömek körsetudı jalǧastyryp jatyr. «Jastar Ruhynyŋ» belsendılerı üi-üidı aralap, jalǧyz tūryp jatqan zeinetkerler, mügedekter, mūqtaj otbasylar turaly aqparat jinauda.
Jastar qanatynyŋ volonterlerı apattan qūtqaruşy brigadalarǧa ystyq tamaq ūiymdastyru jūmysymen de ainalysyp jür.
«Jastar Ruhy» jastar qanatynyŋ töraǧasy Nūrjan Jetpısbaev Ekıbastūzǧa barlyǧy 120-dan astam erıktı kelgenın atap öttı. Onyŋ ışınde 30 adam Astanadan keldı.
«Erıktılerımız mūqtaj jandarǧa körpe, termos jäne basqa da qajettı zattardy taratyp jatyr. Bügın tünde 1000 jaŋa elektr jylytqyş tielgen jük tüsırdık. Būl zattar äsırese köpbalaly jäne az qamtylǧan otbasylarǧa, erekşe qajettılıgı bar adamdarǧa, zeinetkerlerge qajet. Ekıbastūz qalasynyŋ barşa tūrǧynyna jaǧdai qalypqa kelgenge deiın kömek körsetemız. Mūndai jaǧdaida syrttan baqylap otyru mümkın emes. Däl osyndai sätte yntymaq pen bırlıgımızdı tanytuymyz kerek»,– dedı ol.
«Jastar Ruhynyŋ» müşesı Kamil Bairamovtyŋbylai deidı: «Qaiǧy-qasırettı özımdıkı nemese özgenıkı dep eşkım bölıp-jarmaidy. Osynau qiyn-qystau sätte «Jastar Ruhynyŋ» belsendılerı Ekıbastūz qalasynyŋ tūrǧyndaryna qol ūşyn sozyp jatyr. Olar bır kezderı Äuliekölde, Maqtaaral men Arysta zardap şekken halyqqa da bäl osylai kömek körsetken edı».
«Jastar Ruhynyŋ» belsendısı Arslanbek Maǧzūmtūrǧyndar mūndai jaǧdaida kömekke jügınuı tiıs dep sanaidy.
«Volonterler ştabynda jyly kiım-keşektı, sudy, basqa da qajettı tauarlardy qai mekenjaiǧa aparu kerektıgı turaly ötınımder saralanady. Bızge jylusyz qalǧan ärbır tūrǧynǧa, ärbır otbasyǧa kömek körsetılgenı maŋyzdy», – dedı ol.
«AMANAT» partiiasynyŋ baspasöz qyzmetı
Foto avtory: Meiırbek Täjqūranov
“Adyrna” ūlttyq portaly
