«AMANAT» partııasynyń «Jastar Rýhy» jastar qanatynyń volonterleri zardap shekken ekibastuzdyqtarǵa kómektesýde

2802
Adyrna.kz Telegram

«AMANAT» partııasynyń «Jastar Rýhy»jastar qanatynyń volonterleri Ekibastuz qalasynyń jylýsyz qalǵan turǵyndaryna gýmanıtarlyq kómekti taratý jumysyna jumyldyryldy.


Ekibastuzda jastar qanatynyń
volonterler shtaby turǵyndarǵa kómek kórsetýdi jalǵastyryp jatyr. «Jastar Rýhynyń» belsendileri úı-úıdi aralap, jalǵyz turyp jatqan zeınetkerler, múgedekter, muqtaj otbasylar týraly aqparat jınaýda.

Jastar qanatynyń volonterleri apattan qutqarýshy brıgadalarǵa ystyq tamaq uıymdastyrý jumysymen de aınalysyp júr.

«Jastar Rýhy» jastar qanatynyń tóraǵasy Nurjan Jetpisbaev Ekibastuzǵa barlyǵy 120-dan astam erikti kelgenin atap ótti. Onyń ishinde 30 adam Astanadan keldi.


«
Eriktilerimiz muqtaj jandarǵa kórpe, termos jáne basqa da qajetti zattardy taratyp jatyr. Búgin túnde 1000 jańa elektr jylytqysh tıelgen júk túsirdik. Bul zattar ásirese kópbalaly jáne az qamtylǵan otbasylarǵa, erekshe qajettiligi bar adamdarǵa, zeınetkerlerge qajet. Ekibastuz qalasynyń barsha turǵynyna jaǵdaı qalypqa kelgenge deıin kómek kórsetemiz. Mundaı jaǵdaıda syrttan baqylap otyrý múmkin emes. Dál osyndaı sátte yntymaq pen birligimizdi tanytýymyz kerek»,– dedi ol.

«Jastar Rýhynyń» múshesi Kamıl Baıramovtyńbylaı deıdi: «Qaıǵy-qasiretti ózimdiki nemese ózgeniki dep eshkim bólip-jarmaıdy. Osynaý qıyn-qystaý sátte «Jastar Rýhynyń» belsendileri Ekibastuz qalasynyń turǵyndaryna qol ushyn sozyp jatyr. Olar bir kezderi Áýlıekólde, Maqtaaral men Arysta zardap shekken halyqqa da bál osylaı kómek kórsetken edi».

«Jastar Rýhynyń» belsendisi Arslanbek Maǵzumturǵyndar mundaı jaǵdaıda kómekke júginýi tıis dep sanaıdy.

«Volonterler shtabynda jyly kıim-keshekti, sýdy, basqa da qajetti taýarlardy qaı mekenjaıǵa aparý kerektigi týraly ótinimder saralanady. Bizge jylýsyz qalǵan árbir turǵynǵa, árbir otbasyǵa kómek kórsetilgeni mańyzdy», dedi ol.

«AMANAT» partııasynyń baspasóz qyzmeti

Foto avtory: Meıirbek Tájquranov

“Adyrna” ulttyq portaly

Pikirler