Maŋǧystau oblysynyŋ äkımı Nūrdäulet Qilybaidyŋ videosy äleumettık jelıde tarady. Onda ol Konstitusiiadaǧy qazaq tılınıŋ märtebesıne qatysty pıkır bıldırdı.
«Qazaq tılı – bızdıŋ ana tılımız. Konstitusiianyŋ 7-baby, 1-tarmaǧynda memlekettık tıl – qazaq tılı dep naqty jazylǧan. Jinalystarda jäne memlekettık ūiymdarda orys tılın resmi türde qazaq tılımen bırge paidalanuǧa bolady. Konstitusiiany bır adam jazǧan joq — bükıl komissiia aşyq, onlain formatta jūmys ıstedı. Kım qandai pıkır aitqysy kelse, ortaǧa salyp otyrdy. Onyŋ qūramynda ǧalymdar, sarapşylar men mamandar boldy. Ömır körgen aqsaqaldarymyz, ziialy qauym ökılderı de qatysty.
Halyq arasynda “qaşan älemdegı damyǧan elder siiaqty bolamyz?” degen äŋgıme jiı aitylady. Mysaly, älemdegı eŋ baqytty elderdıŋ bırı — Finliandiiada ekı memlekettık tıl bar: fin jäne şved tılderı. Al Singapurda tört tıl memlekettık deŋgeide qoldanylady. Bank salasynyŋ ortalyǧy sanalatyn Şveisariiada da tört tıl bar. Belgiiada üş resmi tıl qoldanylady. Sondyqtan bızde qazaq tılınıŋ qadırın eşkım tüsırıp otyrǧan joq — Konstitusiiada memlekettık tıl retınde qazaq tılı anyq körsetılgen», – dedı äkım.
