Qazaqmys baiytu fabrikalaryndaǧy ūsaqtau jabdyqtaryna sifrlyq monitoring jüiesın engızude

«Qazaqmys» Toby Jezqazǧan jäne Balqaş baiytu fabrikalaryndaǧy ūsaqtau jabdyǧyn baqylau jüiesın jaŋǧyrtu jobasyn jüzege asyruda. Jaŋa sifrlyq şeşım jabdyqtyŋ jaǧdaiyn naqty uaqyt rejimınde baqylauǧa, yqtimal aqaudy der kezınde anyqtauǧa jäne öndırıstık üderıstıŋ senımdılıgın arttyruǧa mümkındık beredı.

Joba kompaniia käsıporyndaryn tehnologiialyq jaŋǧyrtu baǧdarlamasynyŋ bır bölıgı bolyp tabylady jäne jabdyqty paidalanu tiımdılıgın arttyruǧa, jospardan tys toqtap qalu täuekelın azaituǧa ärı boljamdy qyzmet körsetu qūraldaryn damytuǧa baǧyttalǧan.

Jezqazǧan baiytu fabrikasynda jaŋǧyrtu jūmysy tolyq aiaqtaldy. Ortaşa jäne ūsaq bölşekteu bölımderındegı jabdyqtardyŋ jūmysy turaly derek naqty uaqyt rejimınde bıryŋǧai dispetcherlık monitoring jüiesıne tüsıp otyrady. Būl jabdyqtyŋ tehnikalyq jaǧdaiyn jedel baqylauǧa jäne olarǧa qyzmet körsetu boiynşa şeşımdı der kezınde qabyldauǧa mümkındık beredı.

Balqaş baiytu fabrikasynda joba qarqyndy ıske asyryluda. Qazırgı uaqytta basqaru şkaftary qūrastyrylyp jatyr. Odan keiın jabdyqty montajdau, baǧdarlamalyq jabdyqtamany baptau, sondai-aq elektr qozǧaltqyştarynyŋ temperaturasy, dırılı men jüktemesın baqylaityn zamanaui baqylau qūraly ornatylady. Jobany aiaqtau 2026 jyldyŋ törtınşı toqsanyna josparlanǧan.

Joba aiaqtalǧannan keiın ekı fabrikada da ūsaqtau jabdyǧynyŋ jūmysyna üzdıksız sifrlyq monitoring jürgızıledı. Jüie mehanizmderdıŋ jūmysyndaǧy auytqudy erte kezeŋde anyqtauǧa, aqaudyŋ damuyna jol bermeuge, apattyq jöndeu kölemın azaituǧa jäne jabdyqtyŋ qyzmet etu merzımın ūzartuǧa yqpal etedı.

Joba baiytu fabrikalarynyŋ öndırıstık tūraqtylyǧyn qamtamasyz etu tūrǧysynan erekşe maŋyzǧa ie. Sebebı ūsaqtau jabdyǧynyŋ senımdı jūmysy öndırıstık üderıstıŋ üzdıksızdıgı men josparly körsetkışterdıŋ oryndaluyna tıkelei äser etedı.

Zamanaui sifrlyq şeşımderdı engızu öndırıstık aktivterdı jaŋǧyrtu baǧdarlamasynyŋ maŋyzdy baǧyty bolyp tabylady. Qazaqmys jabdyqtyŋ senımdılıgın, öndırıstık qauıpsızdıktı jäne käsıporyn jūmysynyŋ tiımdılıgın arttyruǧa baǧyttalǧan öndırıstık monitoring pen avtomattandyru tehnologiialaryn kezeŋ-kezeŋımen engızıp jatyr.